Ekesode 9:3 - MUKANDA WA MYIDI MUKULU

³ nenkunyoke bikole, mbutule bimuna biebe bionsu ne disama dikole dia tshiambu. Mpunde, tubalu, tumelu, ngombe, mikoku ne mbuji, bionsu nebibutuke.

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa neateke tshianza tshiandi ha bimuna bidi mu budimi, ha tubalu ne nyama ya mpunda ne nyama ya tumelo ne ngombe ne mikoko, dishina dikole nedibikuate.

Ekesode 9:3 ပူးပေါင်းရင်းမြစ်များ

Genese 47:17

Bena Ejipitu kutuadila Yozefe bimuna biabu: tubalu, mikoku, mbuji, ngombe ne mpunde. Yozefe kushintakaja bimuna abi ne biakudia. Kubapeshaye biakudia bikumbane bua kudia tshidimu tshijima.

Misambu 39:10

Ndi mpuwa, tshiyi mbulula mukana. Bualu wewe ke udi muenze bionsu ebi.

Ekesode 5:3

Moshe ne Arone kuandamuna mukalenga ne: — Mvidi Mukulu wa bena Ebrewu mmutumuenekele. Tudi tukulomba ne: wanyishe bua tuye mu tshipela, tuende luendu lua matuku asatu bua kulambula Maweja-Nangila Mvidi Mukulu wetu milambu. Bualu patudi katuyi tuenza nanku, udi mua kututumina disama dia tshiambu tshikole, nansha kutushipa ku muele wa mvita.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Ekesode 8:19

Dikenga dindi nkuatshisha bantu bebe kadiakukuata banyi meme. Nengenze tshishima etshi malaba.”

Amosa 4:10

Ndi mutumine bimuna bienu masama, mumvua muenze kale mu Ejipitu. Ndi muanyishe bua baluishi benu, bashipe bansongalume benu mu mvita, banunyenge nyama ya tubalu. Mu mitanda yenu, mupuya wa bitalu mmunubuele mu mimpempe. Kadi kanuena bapingane kundi. Meme Maweja-Nangila ndi njadika nanku.

Bienzedi 13:11

Mpindiewu, teleja: Mfumu neakunyoke. Neushale mpofu, kuyi umona diba amue matuku. Diakamue mesu a Elimase kufofama. Ukadi udimona butuku, unyunguluka nseke yonsu, ukeba muntu udi mua kumulombola, mumukuate ku tshianza.

1 Samuele 6:9

Nanku nenumone: pikala ngombe milonde njila udi muye mu ditunga dia bena Izrayele, luseke lua ku Bete-Shemeshe, nenujadike ne: Mvidi Mukulu wa bena Izrayele, ke udi munutumina makenga onsu aa. Kadi pikala ngombe kayiyi milonda njila ewu, netujadike ne: Maweja-Nangila wa bena Izrayele kena mututumina makenga aa to, kadi tudi bapeta makenga aa mu mpukapuka.