Ekesode 7:25 - MUKANDA WA MYIDI MUKULU

²⁵ Maweja-Nangila mumane kunyanga musulu wa Nile, matuku muanda mutekete kupita nanku.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Matuku akakumbana muanda mutekete ku nyima kua dituta dia mai a mu musulu kudi Yehowa.

Ekesode 7:25 ပူးပေါင်းရင်းမြစ်များ

2 Samuele 24:13

muambi Ngade kuya ku nzubu kua Davide, umuambila bionsu bivua Mvidi mukulu muambe. Pashishe muambi kukonka Davide ne: — Usungule dinyoka diudi musue. Udi musue ditunga diebe dishale ne tshiyole tshia nzala bidimu muanda mutekete anyi? Udi musue kunyema baluishi, bobu benda amu bakulondakaja, ngondu isatu, anyi? Udi musue tshipupu tshia disama tshikengesha bena ditunga diebe, matuku asatu? Ela meji bimpe, ungandamune tshindi mua kuya kuambila udi muntume.

Ekesode 10:23

Matuku asatu awu, bena Ejipitu kabavua ne mushindu wa kuendakana, bualu kabavua mua kumona bantu nabu to. Kadi muaba uvua bena Izrayele basombele uvua butoke.

Ekesode 7:24

Bu muvua bena Ejipitu bonsu kabayi mua kunua mayi a mu musulu wa Nile, kumbulabu biina ku muelelu wa musulu awu bua kupeta mayi a kunua.

Ekesode 8:1

Maweja-Nangila kuambila Moshe ne: — Ambila Arone ne: olola diboku, atangije dikombu pa mayi adi mu musulu, mu tusulu tukese ne mu majiba, bua ndimba ipatukemu ibuele mu ditunga dia Ejipitu.