Ekesode 7:17 - MUKANDA WA MYIDI MUKULU

¹⁷ Nanku Maweja-Nangila udi wamba ne: Mpindiewu neujadike bukole buanyi! Ndi ntuuta dikombu edi pa musulu wa Nile, bua mayi onsu andamuke mashi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa udi wamba ne, Mu bualu ebu wewe neumanye ne, Meme ndi Yehowa tangila, nenkume mai adi mu musulu ne mulangala udi mu tshianza tshianyi, ne mai onso neakudimuke mashi.

Ekesode 7:17 ပူးပေါင်းရင်းမြစ်များ

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

2 Bakalenga 19:19

Kadi wewe, Maweja-Nangila Mvidi Mukulu wetu, mpindiewu, utusungidile mu bianza bia Senakeribe. Nanku, mu makalenga onsu a pa buloba, nebamanye ne: anu wewe Maweja-Nangila ke Mvidi Mukulu.”

Misambu 105:29

Kuandamunaye mayi a mu misulu yabu, kuvuawu mashi, kushipaye mishipa ivuamu.

Misambu 78:44

Mayi a mu majiba kuandamuka mashi, bua bena Ejipitu kabapetshi mayi a kunua.

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 10:2

Nanku wewe Moshe neumone mua kumanyisha muanebe wa balume ne muikuluebe mundi mulembakaje bena Ejipitu, muenze bishima bionsu ebi mu ditunga diabu. Ke munudi mua kujadika ne: meme ndi Maweja-Nangila.

Ekesode 4:9

Kadi pikala bena Izrayele kabayi bakuitaba bua bishima bibidi ebi, utunte mayi a mu musulu wa Nile, witshikije panshi. Mayi awu neandamuke mashi.

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Ekesode 7:20

Moshe ne Arone kuenza muvua Maweja-Nangila muambe. Arone kutuuta dikombu pa musulu wa Nile. Mayi onsu kuandamuka mashi, mukalenga wa bena Ejipitu ne bantu bende bamone.

Ekesode 7:5

Bena Ejipitu nebajadike ne: Meme ndi Maweja-Nangila, bualu nembenzeje ku bukole bua balekele bena Izrayele baye.

Yezekiyele 25:17

Nembasombuele, nembanyoke bibi. Diba adi, nebamanye ne: meme ndi Maweja-Nangila.”

Yezekiyele 29:9

Mu Ejipitu nemushale bu mu tshipela, kamuyi bantu. Nebamanye ne: meme ndi Maweja-Nangila. “Wewe uvua muambe ne: musulu wa Nile nguanyi, meme ke udi muwenze.

Yezekiyele 30:19

Nennyoke bena Ejipitu. Nanku nebajadike ne: meme ndi Maweja-Nangila.”

Yezekiyele 30:8

Pandi ngosha ditunga dia bena Ejipitu, nshipa bena mvita bonsu badi babambuluisha, bantu nebajadike ne: meme ndi Maweja-Nangila.

Yezekiyele 32:15

Nenshiye ditunga dia Ejipitu tshipela. Nengumushe bubanji buadi buonsu. Nembutule bantu badimu. Nanku nebamanye ne: meme ndi Maweja-Nangila.”

Yezekiyele 32:6

Nenguwuje buloba ne mashi ebe. Neapueke pa mikuna, uwuje mbuwa.

Yezekiyele 38:23

Nanku, nendeje bisamba bionsu ne: ndi Mvidi Mukulu munene wa tshijila. Bisamba nebimanye ne: meme ndi Maweja-Nangila.”

Yezekiyele 39:28

Nembumushe mu bisamba bikuabu mumvua mubatume mu bupika, mbasangishe mu buloba buabu, tshiyi nshiya muntu wabu nansha umue panyima. Nanku nebajadike ne: meme ndi Maweja-Nangila Mvidi Mukulu wabu.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Didimanyisha 11:6

Bajadiki abu badi ne bumfumu bua kukanga diulu, kukandika mvula bua kaloki matuku adibu bamanyisha bantu muaku wa Mvidi Mukulu. Badi kabidi ne bumfumu bua kuandamuna mayi enza mashi, ne bua kunyanga buloba, misangu yonsu idibu basue, ne bipupu bia mishindu yonsu.

Didimanyisha 8:8

Pashishe mutumibue muibidi kuela mpungi. Tshintu tshienza bu mukuna munene utema kapia, kudielatshi mu mayi manene. Tshia bisatu tshia mayi manene kuandamuka mashi.