Ekesode 6:5 - MUKANDA WA MYIDI MUKULU

⁵ Mpindiewu ndi mumvue miadi ya bena Izrayele badibu bakuate mu bupika kudi bena Ejipitu. Ke pandi muvuluke ndondu umvua mutue nabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bukuabo, nakunvua mikemu ya Bena Isalele badi mu butaka kudi Bena Ejipitu, ndi muvuluke tshihungidi tshianyi.

Ekesode 6:5 ပူးပေါင်းရင်းမြစ်များ

Genese 8:1

Mvidi Mukulu kuvuluka Nowa ne nyama yonsu minene ne mikese ivuaye nayi mu buatu. Mvidi Mukulu kutuma tshipepela pa buloba, mayi kutuadija kukepela.

Genese 9:15

nemvuluke ndondu awu. Mayi a tshipupu kakubutula kabidi bantu ne bidi ne muoyi pa buloba to.

Misambu 105:8

Udi uvuluka ndondu wende kashidi, ne diyi divuaye muambe, bua ndelanganyi tshinunu.

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Ekesode 2:24

Mvidi Mukulu kumvua mikemu yabu, kuvuluka ndondu uvuaye mutue ne Abrahame, Izake ne Yakobe.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 5:4

Mukalenga wa bena Ejipitu kuandamuna ne: — Wewe Moshe ne Arone, lekelayi kupumbisha bantu bua kuenzabu mudimu. Pinganayi ku midimu yenu.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Luke 1:54

Uvua muambuluishe bena Izrayele, bantu bende. Kavua mupue muoyi dinanga divuaye mubanange nadi,

Luke 1:72

Uvua mulaye bua kuenzela bankambua betu bimpe. Kavua mupue muoyi ndondu wa tshijila uvuaye mutue nabu.