Ekesode 6:3 - MUKANDA WA MYIDI MUKULU

³ Meme ke Mvidi Mukulu wa bukole buonsu uvua mumuenekele Abrahame, Izake ne Yakobe. Kadi tshivua mubambile dina dianyi dia Maweja-Nangila to.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakamueneka kudi Abalahama ne kudi Isaka ne kudi Yakoba bu Nzambi wa Bukole Buonso, kadi bobo kabakamanya dina dianyi Yehowa nansha

Ekesode 6:3 ပူးပေါင်းရင်းမြစ်များ

Genese 13:18

Abrame kuasa mitanda yende muinshi mua mitshi ya tshijila ya Mambre pabuipi ne tshimenga tshia Ebrone. Muaba awu kuashilaye Maweja-Nangila tshilambuilu.

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 48:3

Kuambilaye Yozefe ne: — Mvidi Mukulu wa bukole buonsu uvua mummuenekele ku Kenaane mu musoku wa Luze, mungele lupemba.

Misambu 68:4

Kadi bantu ba Mvidi Mukulu nebamutumbishe, Nebasanke batue tshianga!

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

Ekesode 15:3

Maweja-Nangila udi tshilobu tshia mvita. Dina diende mMaweja-Nangila.

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Ekesode 3:14

Mvidi Mukulu kumuambila ne: — “Meme ndi Mundi.” Ubambile ne: “Ndi Mundi mmuntume kunudi.”

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Yirmeya 16:21

Maweja-Nangila udi wamba ne: — Nanku mpindiewu nemmanyishe bantu mundi mfumu, mundi mukole. Nebamanye ne: Maweja-Nangila ke meme!

Yirmeya 33:2

— Meme Maweja-Nangila, mufuki wa buloba, udi mubufumbe, mubulame kabidi, ndi ngamba ne:

Yezekiyele 20:5

Ubavuluije miaku indi meme Maweja-Nangila Mvidi Mukulu mbambila ne: “Tshikondu tshimvua musungule bena Izrayele, mvua mutue nabu bonsu ndondu, muditshipe. Mvua mudileje kudibu mu Ejipitu. Mvua mubalaye bua kuikala Maweja-Nangila Mvidi Mukulu wabu.

Yezekiyele 37:13

Nenujadike ne: meme ndi Maweja-Nangila pandi mbulula nkita yenu bua kunujulamu,

Yezekiyele 37:6

Ndi nnuasa mijilu, nnupingajila munyinyi, nnubuikila dikoba. Pashishe nennupingajile mueyelu wenu, bua nupete muoyi. Nanku nenumanye ne: meme ndi Maweja-Nangila.”

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Rute 1:20

Kadi Nowemi kubandamuna ne: — Kanumbikidi kabidi ne Nowemi (mmuena diakalenga), kadi numbikile ne: Mara (Kabungama), bualu Mvidi Mukulu wa bukole buonsu mmunkengeshe bikole.