Ekesode 5:6 - MUKANDA WA MYIDI MUKULU

⁶ Anu dituku adi, Mukalenga wa bena Ejipitu kukandika bena Ejipitu ne bena Izrayele, bavua ne kulombola mudimu wa bantu ne:

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mu dituku adi mene Palo wakela di kudi tuhita tua bantu ne tupitene tuabo ne,

Ekesode 5:6 ပူးပေါင်းရင်းမြစ်များ

2 Kulondolola 26:11

Uziya uvua ne bena mvita, bavua bamanye mua kuluangana. Bena mvita abu, bavua batapulula mu bisumbu, bilondeshile dibadika dia bantu divuabu benze kudi Yeyele mufundi, ne kudi Masheya mulombodi wa bukalenga, babaludika mu dibadika adi kudi Ananiya, umue wa ku balombodi ba bena mvita ba mukalenga.

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 5:10

Nanku bena Ejipitu ne bena Izrayele bavua ne bua kulombola mudimu wa bantu, kupatukabu ku nzubu wa bukalenga, kuambilabu bena Izrayele ne: — Ke bidi mukalenga wa bena Ejipitu wamba ebi ne: Tshiena nnupesha kabidi bisosa to.

Ekesode 5:19

Nanku bena Izrayele bavua ne mudimu wa kutangila bantu, pakumvuabu ne: “Nuenze madiotu anu bungi bua tshibidilu, bu munuvua nuenza matuku onsu patuvua tunupa bisosa, kupangabu tshia kuenza.”

Ekesode 5:7

— Kanuena mua kukebela kabidi bena Izrayele bisosa bia kuenza nabi madiotu, bu munuvua nubapesha kuonsu eku to. Batukebele bisosa bobu nkayabu.

Nsumuinu 12:10

Muntu muakane mmumanye nansha tshidi bimuna biende bikengela. Muntu mubi udi nabi ne tshikisu.

Dibadika 11:16

Maweja-Nangila kuambila Moshe ne: — Unsunguile bakulu ba bena Izrayele makumi muanda mutekete, bantu baudi mujadike ne: mbakulu ba bushuwa, balombodi ba bena Izrayele. Ufike nabu ku ntenta wa kusambakena. Wimane nabu kumpala kuanyi.

Dielulula 1:15

Nanku bua kunulombola, mvua mubikidishe bantu bashindame, ba lumu luimpe, bavua bamane kuikala ne midimu mikuabu mu bisamba bienu. Meme kuteka bua bikale bamfumu, banulombola mu bisumbu bia bantu tshinunu, lukama nansha makumi atanu, too ne ku bia bantu dikumi. Meme kuteka bena Izrayele bakuabu ku mudimu wa kuludika bantu ku tshisamba tshienu tshionsu.

Dielulula 16:18

Mu bimenga bionsu bikale Maweja-Nangila Mvidi Mukulu wenu munupe bua kusomba, nusungule balumbuluishi ne bulombodi, badi mua kulumbuluisha bantu bonsu ba mu bisamba bienu, kakuyi kansungansunga.

Yoshua 24:1

Yoshuwa kukunguja bisamba bionsu bia bena Izrayele ku Shekeme. Kubikidishaye bakulu, bamfumu, balumbuluishi, ne balombodi ba bena mvita ba bena Izrayele. Kufikabu bonsu muaba uvua Mvidi Mukulu.

Yoshua 24:4

Izake pende, meme kumupa Yakobe ne Esawu. Meme kupesha Esawu mikuna ya Seyire, bua asombeku. Kadi Yakobe ne bana bende, kuyabu mu Ejipitu.

Yoshua 8:33

Bena Izrayele ne bakulu babu, balombodi babu, bakoshi babu ba nsambu, ne benyi bavua munkatshi muabu, bavua bimane ku luseke ne ku luseke lua mushete wa ndondu wa Maweja-Nangila, balulamangane ne batuangaji ba bena Levi bavua bambula mushete wa ndondu awu. Bamue bavua bimane bela nyima ku mukuna wa Ngarizime, bakuabu bela nyima ku mukuna wa Ebale. Moshe ku kale uvua mumane kuamba bua bikale bimane mushindu ewu padibu basue kuela bena Izrayele lupemba.