Ekesode 5:1 - MUKANDA WA MYIDI MUKULU

¹ Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua malu â Mose ne Alona bakalua kudi Palô, bakamuambila ne, Yehowa, Nzambi wa Isalele, udi Wamba ne, Ulekele bantu banyi, baye mu tshihela bua kudia bidia ku mesu kuanyi.

Ekesode 5:1 ပူးပေါင်းရင်းမြစ်များ

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

Misambu 119:46

Nengambile bakalenga mikenji yebe, tshiyi mfua bundu.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Ekesode 10:4

Kadi pawikala ubenga anu kubenga bua kulekela bantu banyi, malaba ndi ntuma mpasu mu ditunga dijima dia Ejipitu.

Ekesode 10:9

Moshe kumuandamuna ne: — Tuyaya bonsu pamue: bansonga betu ne bantu bakulakaje, bana betu ba balume ne ba bakaji ne bimuna bietu bionsu, mikoku, ngombe ne mbuji. Bualu tuyaya kuenza tshibilu bua Maweja-Nangila.

Ekesode 3:18

Bena Izrayele nebitabe malu audi ubambila. Pashishe wangate bakulu ba bena Izrayele, uye nabu kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, Mvidi Mukulu wetu mmutumuenekele. Nanku tudi tukusengelela se: wanyishe bua tuye mu tshipela, tuenze luendu lua matuku asatu bua kumulambula milambu.”

Ekesode 33:13

Nanku, bu muudi mungendeshe diakalenga, ungambile bionsu biudi wela meji, bua meme nkumanye nkujadike, ngikale muena diakalenga kashidi. Uvuluke ne: bena Izrayele mbantu bebe.

Ekesode 4:23

Nanku ndi nkutumina diyi ne: umulekele, aye kuntendelela. Kadi paudi ubenga bua kumulekela, ndi nshipa muanebe wa balume muanabute.”

Ekesode 6:11

— Ambila mukalenga wa bena Ejipitu, alekele bena Izrayele bumuke mu ditunga diende.

Ekesode 6:27

Anu bobu aba ke bavua bambile mukalenga wa bena Ejipitu bua anyishe bena Izrayele bumuke bonsu mu ditunga diende.

Ekesode 7:16

Umuambile ne: “Maweja-Nangila, Mvidi Mukulu wa bena Ebrewu, mmuntume kuudi bua wanyishe bena Izrayele baye mu tshipela bua kuntendelela. Kadi katshia nkumanyisha bualu ebu too ne mpindiewu kuena musue kuitaba.

Ekesode 7:2

Newambile Arone malu onsu andi mukuambile, bua aye kumanyisha mukalenga wa bena Ejipitu, bua anyishe bena Izrayele bumuke mu ditunga diende.

Ekesode 8:1

Maweja-Nangila kuambila Moshe ne: — Ambila Arone ne: olola diboku, atangije dikombu pa mayi adi mu musulu, mu tusulu tukese ne mu majiba, bua ndimba ipatukemu ibuele mu ditunga dia Ejipitu.

Ekesode 8:16

Maweja-Nangila kuambila Moshe ne: — Malaba dinda, padi mukalenga wa bena Ejipitu upatuka bua kuya ku musulu wa Nile, uye kumuambila ne: “Maweja-Nangila mmuntume bua ulekele bantu bende, baye kumutendelela.

Ekesode 8:17

Kadi pawabenga neakunyoke, akutumine njiji. Neyikale pambidi pebe wewe, pa balombodi ba mu bukalenga buebe ne pa bantu bebe bonsu. Njiji neikale mu ditunga dionsu dia Ejipitu: mu nzubu yonsu ne panshi ponsu.

Ekesode 8:20

Maweja-Nangila kuenza tshishima atshi, kutuma njiji mipite bungi. Njiji ayi kunyanga ditunga dijima dia Ejipitu. Ivua mu nzubu mua mukalenga, mu nzubu mua balombodi ba mu bukalenga buende, ne mu nzubu ya bantu bonsu.

Ekesode 8:27

Maweja-Nangila kuitaba bivua Moshe ulomba. Njiji yonsu kumuka kua mukalenga wa bena Ejipitu, kua balombodi ba mu bukalenga buende ne kua bantu bende bonsu.

Ekesode 9:1

Maweja-Nangila kuambila Moshe ne: — Uye kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, udi wamba ne: Lekela bantu banyi baye kuntendelela.

Ekesode 9:2

Wewe mubenge bua kubatekela, wewe mubakandike amu kubakandika,

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Yezekiyele 2:6

Wewe Yezekiyele, kubatshinyi, kutshinyi nansha bidibu bamba to. Nebakukandike bua kuakula. Neusombe munkatshi mua meba a mingonga, ne mua tuminyiminyi. Kadi, kutshinyi miaku ya bantu aba, nansha bidibu benza, bualu mbantu ba tshitunu.

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Bienzedi 4:29

Kadi mpindiewu, Mfumu, umvua mudibu batukanyina. Ambuluisha bantu bebe, bua bamanyishe muaku webe ne dikima dionsu.

1 Korente 5:8

Nanku tuenzayi tshibilu tshietu. Kadi katuena mua kutshienza, kudia mampa mela buanga bukulukulu, buanga bua bubi, ne bua malu a bundu. Tudie amu mampa kaayi mela buanga, mampa a bunonoke, ne a bulelela.