Ekesode 40:34 - MUKANDA WA MYIDI MUKULU

³⁴ Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Hashishe ditutu diakabuikila ntenta wa kusangakena, ne butumbi bua Yehowa buakûla nsubu tente.

Ekesode 40:34 ပူးပေါင်းရင်းမြစ်များ

2 Samuele 7:6

Bualu biangatshile dituku dimvua mupatule bena Izrayele mu Ejipitu too ne mpindiewu, katshia tshiena muanji kusomba mu nzubu to. Kadi, mvua anu musombe mu ntenta, muaba wa tshijila, ngendakana ne bena Izrayele mu njila. Matuku awu onsu, mvua muteke balombodi bashilangane bua baludike bantu banyi bena Izrayele bimpe. Kadi tshivua mujane mulombodi nansha umue ne: kena mungashile nzubu wa mitshi ya sedre bua tshinyi?

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.

2 Kulondolola 7:2

Batuangaji kabavua mua kubuela muaba wa tshijila, bualu muvua muwule ne butumbi bua Maweja-Nangila.

Misambu 26:8

Maweja-Nangila, ndi mumanye nzubu uudi musombe, muaba uudi utuleja lumu luebe.

Ekesode 14:24

Patshiatshia, Maweja-Nangila, uvua mu divuba ne mu tshimunyi tshia kapia, kumona tshiluilu tshia mvita tshia bena Ejipitu. Kutshiompakajaye tshiluilu atshi.

Ekesode 16:10

Patshivua Arone wambila bena Izrayele malu awu, bena Izrayele batangila ku tshipela, kumonabu butumbi bua Maweja-Nangila mu divuba.

Ekesode 25:8

Nanku, bena Izrayele bandongoluele muaba wa tshijila, bua ngikale munkatshi muabu.

Ekesode 29:43

“Nanku, nembuikile muaba ewu ne butumbi buanyi. Bualu ke muaba undi mmonangana ne bena Izrayele.

Ekesode 33:9

Nanku, pavua Moshe ubuela mu ntenta amu, divuba divua dibuikila mu mushiku wa mbelu wa ntenta. Maweja-Nangila uvua wakula mu divuba amu uyukila ne Moshe.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 6:4

Meyi abu avua azakaja biibi bia nzubu wa Mvidi Mukulu. Kabidi muinshi uvua muwule mu nzubu wa Mvidi Mukulu tente.

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Agayi 2:7

Nenkuatshishe bantu ba bisamba bikuabu bowa. Nanku, nebafike ne bubanji buabu buonsu munemu. Nendengeje nzubu ewu muende mua kale ne bubanji abu. Meme Maweja-Nangila, ndi ngamba nanku.

Agayi 2:9

Nanku nzubu mupiamupia wanyi ewu, neikale muimpe mupite wa kale. Kabidi nempeshe bantu banyi ditalala mu nzubu ewu. Meme Maweja-Nangila wa bukole buonsu, ndi ngamba nanku.

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.

Rome 9:4

Badi bena tshisamba tshia Izrayele. Mvidi Mukulu mmubenze bana bende. mMumueneke munkatshi muabu ne butumbi buende. mMutue nabu ndondu yende, mubapeshe kabidi mikenji yende. Uvua mubaleje muyuabu mua kutendelela. mMubalaye ne malaya.

Didimanyisha 15:8

Ke nzubu wa Mvidi Mukulu kuwula ne muinshi, bualu bua butumbi ne bukole bia Mvidi Mukulu. Muntu nansha umue kavua mua kubuela mu nzubu wa Mvidi Mukulu, bipupu muanda mutekete, bivua batumibue bafike nabi, kabiyi bianji kukumbana.

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.