Ekesode 4:8 - MUKANDA WA MYIDI MUKULU

⁸ Maweja-Nangila kuambila Moshe ne: — Pikala bena Izrayele kabayi bakuitaba bua tshishima tshia kumpala, nebakuitabe bua tshishima tshibidi etshi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bikalabo kabayi bakuitabusha, kabayi bunvue di dia tshimanymu tshia kumudilu, bobo nebitabushe dî dia tshimanymu tshia kunshikidilu.

Ekesode 4:8 ပူးပေါင်းရင်းမြစ်များ

2 Bakalenga 5:7

Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

Yobe 5:18

Mvidi Mukulu udi mua kusamisha muntu, kadi udi kabidi mua kujikija disama diende. Padiye utapa mputa, amu Yeye nkayende ke udi umondapa.

Ekesode 4:28

Moshe kuambila Arone bionsu bivua Maweja-Nangila mumuambile. Kumumanyishaye kabidi bishima bivuaye mumuleje bua kuenza.

Ekesode 4:7

Maweja-Nangila kuambila Moshe ne: — Pingaja tshianza tshiebe pa tshiadi. Moshe utshipingaja, utshiumusha kabidi. Tshianza kushala muatshi mua kale katshiyi ne disama dia nsudi to.

Ekesode 4:9

Kadi pikala bena Izrayele kabayi bakuitaba bua bishima bibidi ebi, utunte mayi a mu musulu wa Nile, witshikije panshi. Mayi awu neandamuke mashi.

Yeshaya 28:10

Umvuayi mudiye ukukumina ne: B-A-BA, B-A-BA, B-E-BE, B-E-BE; ku dileta ku dileta, ku muaku ku muaku.”

Yowanane 12:37

Nansha muvuaye muenze bishima bia bungi bobu batangila, kabavua bamuitaba to.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Balombodi 6:17

Ngideyone kuamba ne: — Pawikala munnange, umpeshe tshimanyinu tshidi tshijadika ne: ke wewe Maweja-Nangila udi wakula nanyi.