Ekesode 4:13 - MUKANDA WA MYIDI MUKULU

¹³ Moshe kubenga, wamba ne: — Ndi nkusengelela ne: utume muntu mukuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mose wakamba ne, Yehowa, nda nkusengelela ne, Utume muntu ûdi musue kutuma.

Ekesode 4:13 ပူးပေါင်းရင်းမြစ်များ

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 41:35

Basangishe biakudia ebi mu bidimu ebi muanda mutekete bidi kumpala. Bunguije ntete ya kuenza bukula mu mayeba mu bimenga, bayilamemu, wewe wikale ubatangila.

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Ekesode 23:20

“Mutumibue wanyi neafike kunudi bua kunulama mu njila ne kunufikisha ku muaba undi munulongoluela.

Ekesode 4:1

Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

Ekesode 4:14

Ke Maweja-Nangila kufikila Moshe munda, umuambila ne: — Muanenu Arone, muena Levi, udi mumanye mua kuakula bimpe. Nyeye wawa mu njila bua kumonangana nebe. Pakumonaye neasanke.

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.

Yona 1:6

Nanku, mulombodi wa bitshi ba buatu kusangana Yona mulale tulu, kumukonkaye ne: — Udi wenza tshinyi? Udi amu mulale tulu? Juka, ulombe webe nwidie, bumue udi mua kutuambuluisha, tupanduke ku tshipepele etshi!

Matayi 13:41

Muana wa muntu neatume batumibue bende, bua bumushe mu Bukalenga buende bantu bonsu badi babipisha bakuabu, ne benji bonsu ba malu mabi.

Yowanane 6:29

Yezu kubandamuna ne: — Bualu budi Mvidi Mukulu utekemena kunudi, mbua nuenu kuitaba udiye mutume.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.