Ekesode 4:10 - MUKANDA WA MYIDI MUKULU

¹⁰ Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mose wakambila Yehowa ne, Yehowa, meme tshiena mua kuakula bimpe, nansha diambedi, nansha katshia wabanga kuakula ne muntu webe, bualu bua meme ndi muena tshikukumina.

Ekesode 4:10 ပူးပေါင်းရင်းမြစ်များ

Yobe 12:2

Bushuwa, amu nuenu nkayenu ke badi ne meji, nuenu bafua, meji adi afua kabidi.

Ekesode 3:11

Moshe kuandamuna Mvidi Mukulu ne: — Meme tshiena ne mushindu wa kuya kumonangana ne mukalenga wa bena Ejipitu bua kupatula bena Izrayele to.

Ekesode 4:1

Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Ekesode 6:12

Moshe kuandamuna Maweja-Nangila ne: — Bu mudi bena Izrayele kabayi bateleja bindi mubambile, mukalenga wa bena Ejipitu kabidi kakuitaba to, bualu ndi ngakula ne lutatu.

Ekesode 6:30

Kadi Moshe kumuandamuna ne: — Mukalenga wa bena Ejipitu kena mua kumvua tshindi ngamba to, bualu ndi ngakula ne lutatu.

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Bienzedi 7:22

Ke muvuabu balongeshe Moshe malu onsu avua bena Ejipitu bamanye. Kuenzaye muntu uvua mumanye mua kuakula ne kulongolola malu.

2 Korente 10:10

Bualu badi bamba ne: “Mu mikanda ya Polu mudi miaku mikole idi itapa ku matshi. Kadi padiye munkatshi muetu, udi bu kantu ka patupu, wakula bikuata ne luse.”

2 Korente 11:6

Bumue tshiena mumanye mua kuakula bimpe. Kadi bua dimanya, ndi nadi. Ke bimvua munuleje patoke matuku onsu, kabidi mishindu yonsu.