Ekesode 4:1 - MUKANDA WA MYIDI MUKULU

¹ Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Mukanda wa Nzambi Dihungila Dikulukulu ne Dihungila Dihia-dihia 2003

¹ Mose wakandamuna ne, Kadi bobo kabena bangitabusha, kabena bunvua di dianyi, bobo nebambe ne, Yehowa kakamueneka kûdi nansha.

Ekesode 4:1 ပူးပေါင်းရင်းမြစ်များ

1 Bakalenga 13:3

Muambi kuamba kabidi ne: — Tshilambuilu etshi netshiupuke, butu bua mafuta budipu nebumate panshi. Nanku, nenujadike ne: Maweja-Nangila ke uvua muakule.

Ekesode 2:14

Awu kuandamuna Moshe ne: — Nganyi udi mukuteke bua kutubela ne kutulumbuluisha? Udi musue kunshipa bu muuvua mushipe muena Ejipitu anyi? Moshe kumvua buowa, kudiambila ne: “Bualu ebu bakadi babumanye!”

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Ekesode 3:16

Ndaku, ubikile bakulu ba bena Izrayele bonsu, ubambile ne: “Maweja-Nangila, Mvidi Mukulu wa bankambua benu, wa Abrahame, wa Izake ne wa Yakobe mmummuenekele. Mmungambile ne: Ndi mumone mudibu banukengesha kudi bena Ejipitu.

Ekesode 3:18

Bena Izrayele nebitabe malu audi ubambila. Pashishe wangate bakulu ba bena Izrayele, uye nabu kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, Mvidi Mukulu wetu mmutumuenekele. Nanku tudi tukusengelela se: wanyishe bua tuye mu tshipela, tuenze luendu lua matuku asatu bua kumulambula milambu.”

Ekesode 4:10

Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

Ekesode 4:30

Arone kubambuluila bionsu bivua Maweja-Nangila muambile Moshe. Moshe kubaleja bishima.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Ekesode 6:12

Moshe kuandamuna Maweja-Nangila ne: — Bu mudi bena Izrayele kabayi bateleja bindi mubambile, mukalenga wa bena Ejipitu kabidi kakuitaba to, bualu ndi ngakula ne lutatu.

Ekesode 6:30

Kadi Moshe kumuandamuna ne: — Mukalenga wa bena Ejipitu kena mua kumvua tshindi ngamba to, bualu ndi ngakula ne lutatu.

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Bienzedi 7:25

Uvua wela meji ne: bana betu bena Izrayele nebumvue ne: Mvidi Mukulu mmunsungule bua kubapikula. Kadi bobu kabavua bitabe nanku to.

Balombodi 6:17

Ngideyone kuamba ne: — Pawikala munnange, umpeshe tshimanyinu tshidi tshijadika ne: ke wewe Maweja-Nangila udi wakula nanyi.