Ekesode 39:3 - MUKANDA WA MYIDI MUKULU

³ Kuengululabu tshiamu tshia mpawungi, kuenzabu natshi bitata. Kukosololabu bitata abi mu bitupa bikese bua kupeta buanda. Batedi kubusambakaja ne buanda bua miosa ya nyama bufikuluke, bukunzubile ne bukunze kunzuu, kabidi ne bua ndanda.

Mukanda wa Nzambi Dihungila Dikulukulu ne Dihungila Dihia-dihia 2003

³ Bakatula tshiamu tshia or to ku muhimbu mukese, bakenza nshinga ya or, bakatshikuma ne buanda bua bleu ne bukunzubile ne bukunze-kunzu ne bua lin kudi bantu ba lungenyi lule.

Ekesode 39:3 ပူးပေါင်းရင်းမြစ်များ

Misambu 45:13

Bena ku Tire nebakutuadile milambu. Baneme ba matunga nebakuvuile bua kupeta diakalenga.

Ekesode 25:4

bilamba bifikuluke, bikunzubile, bikunze kunzuu, bilamba bia ndanda ne bia boya bua mbuji,

Ekesode 26:1

“Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 36:8

Bena mudimu bavua bapite bakuabu ku lungenyi kutuadija kuasa nzubu wa tshijila. Kuangatabu bilamba dikumi bia buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Ku bilamba abi, bavua bazolaku Bakerubine.

Ekesode 39:2

Kadi tshilamba tshia efode tshia mutuangaji munene, tshivua tshitela ne buanda bukole bua ndanda, busambakaja ne buanda bua miosa ya nyama bufikuluke, bukunzubile, bukunze kunzuu, kabidi ne buanda buenza ne tshiamu tshia mpawungi.

Ekesode 39:4

Mutuangaji uvua muvuale efode ne mampinda abidi masuika ku ndekelu kua tshilamba atshi.