Ekesode 39:1 - MUKANDA WA MYIDI MUKULU

¹ Batedi ba bilamba kutela bilamba bia lumu bia kuenza nabi mudimu muaba wa tshijila. Kutelelabu kabidi Arone bilamba bia kuenza nabi mudimu wa butuangaji, bu muvua Maweja-Nangila muambile Moshe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bakenza bilulu bia bleu ne bikunzubile ne bikunze-kunzu bia kuenza nʼabi mudimu mu muaba wa tshima, bakenzela Alona bilulu bia tshijila bu muakambila Yehowa Mose.

Ekesode 39:1 ပူးပေါင်းရင်းမြစ်များ

Misambu 93:5

Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.

Ekesode 25:4

bilamba bifikuluke, bikunzubile, bikunze kunzuu, bilamba bia ndanda ne bia boya bua mbuji,

Ekesode 26:1

“Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 28:5

Batele bilamba abi ne buanda bua miosa ya nyama, bufikuluke, bukunzubile, bukunze kunzuu, ne buanda bua ndanda ne bua mubidi wa mpawungi.

Ekesode 31:10

bilamba bia kuenza nabi mudimu muaba wa tshijila, bilamba bia Arone ne bia bana bende ba balume bia kuenzabu nabi mudimu wa butuangaji,

Ekesode 35:19

Benze bilamba bia lumu bia kuenza nabi mudimu muaba wa tshijila; bilamba bia tshijila bia mutuangaji munene Arone, ne bia bana bende ba balume.

Ekesode 35:23

Bantu bakuabu kulambula Maweja-Nangila milambu mikuabu: bilamba bia miosa ya nyama bifikuluke, bikunzubile, bikunze kunzuu, bia ndanda muine ne bia miosa ya mbuji, biseba bia mikoku ya tshimpanga bilaba kakula, ne bikuabu bia nyama ya nkonga ya mu mayi.

Ekesode 38:31

Bavua benza nabi kabidi bitaku bia makunji a ku lupangu ne a ku tshibuelelu tshia lupangu, kabidi ne milonda ya bitupa ya ku nzubu wa tshijila ne ya ku lupangu.

Ekesode 39:41

— bilamba bia lumu bia kuvuala diba dia mudimu wa mu muaba wa tshijila; — bilamba bia tshijila bivua Arone ne bana bende ba balume ne bua kuvuala bua kuenza mudimu wa butuangaji.

Yezekiyele 42:14

Batuangaji badi bamane kubuela muaba wa tshijila, padibu bapatuka, kabena mua kuya diakamue mu lubanza lua pa mbelu to. Badi ne bua kukopola bilamba bia tshijila bivuabu bavuala bua kuenzela Maweja-Nangila mudimu, kubishiya mu bibambalu ebi. Muaba ewu badi ne bua kuvuala bilamba bikuabu, bua bamone mua kuya muaba udi bantu basangile.

Yezekiyele 43:12

Ke mukenji munene udi utangila nzubu wa Mvidi Mukulu: miaba yonsu idi inyungulula nzubu pa katongabela ka mukuna, ke miaba ya tshijila menemene.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Ebrewu 9:25

Mutuangaji munene wa bena Yuda udi ubuela muaba wa tshijila ku tshidimu ku tshidimu ne mashi a nyama ya milambu. Kadi Kristu kavua mubuele bua kudilambula misangu ya bungi nansha.