Ekesode 38:20 - MUKANDA WA MYIDI MUKULU

²⁰ Milonda ya bitupa yonsu, ivua ku nzubu wa tshijila ne ku lupangu, ivua ya tshiamu tshikunze.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Milonda yonso ya mu nsubu wa tshitendelelu ne mu luhangu lua muaba wa kutendelela yakadi ya tshiamu tshia mitaku.

Ekesode 38:20 ပူးပေါင်းရင်းမြစ်များ

2 Kulondolola 3:9

Misumadi ya tshiamu tshia mpawungi ivuabu benza nayi mudimu ivua ne bujitu bua grame nkama itanu. Nansha bibambalu bia kulu bia munda mua nzubu wa Mvidi Mukulu bivua bilamika amu tshiamu tshia mpawungi.

Ezela 9:8

Kadi Maweja-Nangila Mvidi Mukulu wetu, matuku makese aa, udi mutuleje muudi mutunange. Uvua muanyishe bua bana betu bavua bashale ne muoyi, bapingane mu buloba buebe bua tshijila. Nanku, bua luse luebe, Mvidi Mukulu wetu, mesu etu adi aleja tshiakabidi disanka. Tudi Nsanguluka kakese mu dikenga ditudi nadi.

Ekesode 27:19

Bintu bionsu bidi ku muaba wa tshijila, ne bidibu benza nabi muaba awu, too ne ku milonda ya bitupa idi ku ntenta wa muaba wa tshijila ne ku lupangu, bikale anu bia tshiamu tshikunze.

Ekesode 38:19

Bavua batshisuika ku makunji anayi. Makunji awu avua ne bitaku binayi bia tshiamu tshikunze. Nkanu, mitu ya makunji ne milonda, bivua bia tshiamu tshitoke tshia mushinga mukole.

Ekesode 38:21

Pashishe Moshe kutumina bena Izrayele diyi, bua babale bintu bionsu bivuabu benza nabi mudimu mu nzubu wa tshijila. Muaba awu, ke uvuabu bateka mushete wa ndondu uvua ne mabue a mikenji. Itamare, muana wa mutuangaji Arone, ke uvua ulombola bena Levi bavua babala bintu ebi.

Muambi 12:11

Bualu miaku ya bantu ba meji idi bu misongolu idi balami baludika nayi mikoku, idi bu ndami idi isuikakaja malu adi muntu mumanye. Miaku eyi mmifume kudi Mvidi Mukulu. Yeye udi mulami umuepele buetu bonsu.

Yeshaya 22:23

Nemmushindike muaba mukole, bu mudibu basa mulonda. Bana babu bonsu nebapete lumu kudiye.”

Yeshaya 33:20

Neutangile Yerushalayime, neutangile Siyone, muaba udibu benzela bibilu bietu, nanku neumone ne: Yerushalayime ukadi muaba wa dikisha ne wa bupole, bu ntenta udibu kabayi batentemuna kabidi, kabayi batula milonda, kabayi basulula mionji yende.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.