Ekesode 35:21 - MUKANDA WA MYIDI MUKULU

²¹ Bantu ba muoyi muimpe kufila milambu yabu kudi Maweja-Nangila bua kuasa ntenta wa kusambakena, bua midimu ya kutendelela, ne bua kutela bilamba bia tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Muntu yonso wakadi mutshima wandi umuenzesha ne wakadi tshihahai wakalua ne kuha kua Yehowa bualu bua mudimu wa nsubu wa tshitendelelu ne bintu bionso biakadi mu tshitendelelu ne bilulu bia tshijila.

Ekesode 35:21 ပူးပေါင်းရင်းမြစ်များ

2 Samuele 7:27

Bualu wewe Maweja-Nangila, muena bukole buonsu, ne Mvidi Mukulu wa bena Izrayele, ke udi mummanyishe meji ebe, a kumpesha ndelanganyi idi mua kumpingana mu bukalenga. Ke pandi mupete dikima dia kukulomba mushindu ewu.

1 Kulondolola 28:2

Mukalenga Davide kuimana munkatshi muabu, ubambila ne: — Nuenu bantu banyi ne balunda banyi bonsu, ntelejayi. Mvua musue kuasa nzubu wa Mvidi Mukulu, bua kutekamu mushete wa ndondu wa Mvidi Mukulu wetu, muaba udiye udiatshila. Mvua mumane kulongolola bionsu bia kuenza nabi mudimu ewu.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

1 Kulondolola 29:14

Meme ndi muntu wa tshianana. Bantu banyi badi bantu ba tshianana. Tuetu katuena mua kukulambula milambu eyi ku bukole buetu. Tudi bapete bionsu amu kuudi. Nenku tudi mua kukulambula amu bitudi bapete kuudi.

1 Kulondolola 29:3

Kadi bua biuma bimvua meme nabi, mpawungi ne tshiamu tshitoke tshia mushinga mukole, ndi mbifila bua nzubu wa Mvidi Mukulu wanyi. Ndi mbisakidila ku bionsu bimvua mumane kulongolola bua muaba wa tshijila ewu, undi mupite kunanga.

1 Kulondolola 29:8

Bantu bavua ne mabue a mushinga mukole bavua baafila kudi Yekiyele wa mu diku dia Ngershone, bua baateke mu tshibutshilu tshia nzubu wa Maweja-Nangila.

1 Kulondolola 29:9

Bantu bonsu bavua ne disanka, bavua baye kufila bintu ebi ne muoyi wabu mujima. Mukalenga Davide uvua ne disanka dinene.

Ezela 2:68

Pavuabu bafike mu Yerushalayime, tshimenga tshivua ne nzubu wa Mvidi Mukulu, bamfumu bakuabu ba meku kufila milambu bua bibake nzubu wa Mvidi Mukulu muaba wende wa kale.

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Ekesode 25:2

— Ambila bena Izrayele bikale bandambula milambu, bayifila amu kudi bantu ba muoyi muimpe.

Ekesode 35:20

Bena Izrayele kushiyangana ne Moshe.

Ekesode 35:22

Bantu bonsu ba muoyi muimpe balume ne bakaji, kufila bilengejilu bia tshiamu tshia mpawungi bia mishindu mishilangane: tukanu tua pa bilamba, tua ku matshi, tua ku minu ne tua mu nshingu. Kadi muntu yonsu uvua wela bintu abi mulu, ubinyukule bua kubilambula Maweja-Nangila.

Ekesode 35:26

Bakaji bakuabu batalame kulambulabu bilamba bia boya bua mbuji.

Ekesode 35:29

Bena Izrayele bonsu balume ne bakaji ba muoyi muimpe, kulambulabu bintu bia kuenza nabi mudimu uvua Maweja-Nangila muambile Moshe.

Ekesode 35:5

— Muntu yonsu afile mulambu bu mudiye musue. Milambu inudi mua kulambula Maweja-Nangila ikale ya mishindu mishilangane: ya tshiamu tshia mpawungi, ya tshiamu tshitoke tshia mushinga mukole, ne ya tshiamu tshikunze,

Ekesode 36:2

Moshe kubikila Beshalele, Okoliyabe ne bantu bakuabu bavua Maweja-Nangila mupeshe tshipedi tshia kuenza midimu ayi kuyikumbaja.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Yirmeya 30:21

Mfumu wenu neikale muntu wa mu tshisamba tshienu. Eyowa, muntu wa munkatshi muenu neanulombole. Nengitabe bua asemene pabuipi nanyi. Bualu, muntu udi mua kufika kundi, meme tshiyi mumubikile anyi? Meme Maweja-Nangila ndi njadika nanku.

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

2 Korente 9:7

Muntu yonsu afile mudiye muele meji, kayi ne muoyi mujoboke, kabayi bamuenzeje malu ku bukole. Bualu Mvidi Mukulu udi unanga udi upa ne disanka.

Balombodi 5:12

Debora, jukaku panshi, utuambuluishe. Katamuka, utume musambu wa mvita. Barake, muana wa Abinoyame, juka, kuata bantu mu lukanu, utulejebu!

Balombodi 5:3

Nuenu bakalenga, nuenu balombodi, telejayi bimpe! Ndi musue kuimba musambu, ntumbisha Maweja-Nangila, Mvidi Mukulu wa Izrayele.

Balombodi 5:9

Mwoyi wanyi udi kudi balombodi ba bena Izrayele, kudi bantu badi badifila nkayabu ku mvita. Elayi Maweja-Nangila tuasakidila!