Ekesode 32:7 - MUKANDA WA MYIDI MUKULU

⁷ Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakambila Mose ne, Hueka mu tshibanda, bualu bua bantu bebe bawakaluhula mu buloba bua Ejipitu bakudiona.

Ekesode 32:7 ပူးပေါင်းရင်းမြစ်များ

2 Kulondolola 27:2

Yotame uvua muenze malu adi Maweja-Nangila musue. Uvua muenze malu mimpe anu bu tatuende Uziya, kadi kavua muenze tshilema tshia kubuela mu nzubu wa Maweja-Nangila. Kadi bena Yuda bavua bashale anu ne buenzayi buabu bua kale.

Misambu 78:36

Kadi kabavua ne bulelela. Bivuabu bamuambila bivua bia dishima.

Ekesode 19:24

Nanku, Maweja-Nangila kuandamuna ne: — Tuluka, uye kukeba muanenu Arone mu mitanda. Nubande nende. Kadi batuangaji ne bantu bonsu kababandi ku mukuna kundi to. Tshianana ndi mua kubashipa.

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Ekesode 32:4

Pashishe, Arone kuangata tukanu atu, kutuengululaye muiku, kututuaye mu tshinu, kuenzaye lupingu lua kana ka ngombe, ka tshiamu tshia mpawungi. Bena Izrayele kuamba ne: — Ke mvidie wetu uvua mutupatule mu Ejipitu ewu!

Ekesode 33:1

Pashishe, Maweja-Nangila kuambila Moshe ne: — Umukayi muaba ewu ne bena Izrayele bonsu, bauvua mupatule mu Ejipitu. Ndayi kusomba mu ditunga dimvua mulaye Abrahame, Izake ne Yakobe. Mvua mumane kutshipa bua kubapesha ditunga adi ne ndelanganyi yabu.

Yeshaya 1:4

Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Osheya 9:9

Nudi benza buenzayi bapitshishe, anu bu munuvua benze ku Ngibeya. Kadi, Maweja-Nangila kena mupue buenzayi buenu muoyi, neanunyoke bua malu mabi anuvua benze.

Dielulula 31:29

Ndi mumanye ne: pambafua, bena Izrayele nebenze bibi, nebabenge bionsu bimvua mubambile. Nanku nebikale bena diakabi, bualu bavua benza muabu muonsu bua kutombokela Maweja-Nangila, kumufikisha munda.

Dielulula 32:5

Kadi nuenu, bena Izrayele, nudi bantu babi, bapale. Nudi babenge Maweja-Nangila, batufuisha bundu. Kanutshiena bana bende kabidi to.

Dielulula 4:16

Nanku kanuenji bibi to. Kanusongi mpingu, kanuzodi bimfuanyi bileja mvidie, nansha bayileja bu bantu balume nansha bakaji,

Dielulula 9:12

kungambilaye ne: “Tuluka lukasa. Bantu bauvua mupatule mu Ejipitu mbenze bualu bupite bubi. Kabena bitabe ku bionsu bimvua mubambile. Mbadienzele lupingu lua tshiamu tshiengulula.”

Dielulula 9:8

Ku mukuna wa Sinayi nangananga, Maweja-Nangila uvua musue kunubutula bonsu, bualu nuvua bamufikishe munda bikole.

Balombodi 2:19

Kadi pavua mulombodi awu ufua, bena Izrayele bavua babenga tshiakabidi Maweja-Nangila, bipite too ne pa bankambua babu. Bavua anu batendelela mvidie ya bantu benyi, badiela panshi kumpala kuayi bua kuyitendelela. Kabavua balekela buenzayi buabu, nansha tshitunu tshiyuabu natshi.