Ekesode 32:16 - MUKANDA WA MYIDI MUKULU

¹⁶ Mabue awu ne mikenji ivua mifundapu, bivua bienza amu kudi Mvidi Mukulu nkayende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mabue au akadi menza kudi Nzambi, ne mei akadi mafunda kudi Nzambi, mafunda ha mabue au.

Ekesode 32:16 ပူးပေါင်းရင်းမြစ်များ

Yobe 19:24

Bayifunde ne lusongu lua ntapu, bayifikishe ne tshiamu tshifike, bua imueneke bimpe pa lubuebue.

Ekesode 31:18

Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Ekesode 32:15

Pashishe, Moshe kutuluka ku mukuna, muikale ne mabue abidi a mikenji mu bianza, mafunda emu ne emu.

Ekesode 32:17

Nanku, Yoshuwa kumvua mutoyi wa bantu, kuambilaye Moshe ne: — Ndi ngunwua mutoyi mukole wa bantu, baluangana mvita mu mitanda!

Ekesode 34:1

Maweja-Nangila kuambila Moshe ne: — Usonge mabue makuabu a mikenji, mafuanangane ne a kumpala auvua 1 munyange. Meme nemfundululepu meyi anyi ne mikenji yanyi.

Ekesode 34:4

Moshe kusonga mabue a mikenji abidi mafuanangane ne a kumpala. Dinda dionsu, kubandaye ku mukuna wa Sinayi ne mabue awu makuate ku bianza bu muvua Maweja-Nangila mumuambile.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

2 Korente 3:7

Bayua bafunde mikenji pa mabue ku dileta ku dileta. Diba adi butumbi bua Mvidi Mukulu buvua bukenka. Mpala wa Moshe uvua ubalakana bikole bipite, bena Izrayele kabayi mua kumutangila nansha. Kadi bukenke buvua pa mpala wa Moshe abu buvua amu ne bua kujimina. Pavua mikenji, ivua ne bua kutufikisha ku lufu, imueneka pamue ne butumbi bunene nanku,

Dielulula 10:1

Pashishe Maweja-Nangila kungambila ne: “Usonge mabue abidi, mafuanangane ne a kumpala. Wenze kabidi mushete wa mabaya. Ubande ku mukuna kundi eku.

Dielulula 9:15

Meme kutuluka ku mukuna, uvua umueneka mukuate kapia. Mvua muambule ku bianza mabue avua ne mikenji ya ndondu.

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.