Ekesode 32:1 - MUKANDA WA MYIDI MUKULU

¹ Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kakamanya bantu ne, Mose wakashala ku mukuna musangu mule, bakadisangisha kudi Alona, bakamuambila ne, Bika biebe, utuenzele nzambi idi mua kuya ku mpala kuetu, bua muntu au Mose, wakalua nʼetu mu Ejipitu, katuena bamanye bualu buakumukuata.

Ekesode 32:1 ပူးပေါင်းရင်းမြစ်များ

Genese 19:14

Lote kuya kuambila baku bende, bavua babangile bana bende ba bakaji, ne: — Jukayi lukasa, numuke mu tshimenga etshi, bualu Maweja-Nangila mmusue kutshibutula. Kadi baku bende kuela meji ne: udi wamba bilele.

Genese 21:26

Abimeleke kukema wamba ne: — Tshiena mumanye udi muenze nanku to! Kuvua mungambile bualu ebu kuonsu eku! Nkadi mbumanya anu lelu.

Genese 39:8

Yozefe kubenga kashidi, umuambila ne: — Mfumuanyi mmunteke mulombodi wa bintu biende bionsu. Udi munnange.

Genese 44:15

Yozefe kubakonka ne: — Nuvua benze nanku bua tshinyi? Kanuena bamanye ne muntu bu mundi emu udi ne bumfumu bua kujandula malu onsu anyi?

Genese 44:4

Amu bumuka mu tshimenga, kabayi banji kuenda mutantshi mule, Yozefe kuambila mulombodi wa bena mudimu bende ne: — Londakaja bantu abu lukasa, ubapete, ubakonke ne: “Tuetu banuenzele bimpe, nuenu nudi nutuenzela bibi bua tshinyi?

Misambu 106:19

Kuenzabu kana ka ngombe ku mukuna wa Orebe, kutendelelabu tshiamu tshivuabu bengulule.

Ekesode 13:21

Mu munya, Mvidi Mukulu uvua mu divuba kumpala kua bena Izrayele bua kubaleja njila. Kadi butuku uvua mu tshimunyi tshia kapia bua kutokeshila bena Izrayele njila. Ke muvuabu mua kuenda butuku ne munya.

Ekesode 14:11

Kukonkabu Moshe ne: — Uvua mutupatule mu Ejipitu bua tuetu kuluila mu tshipela bua tshinyi? Mu Ejipitu kamuvua nkita anyi? Tshiuvua mutupatuile mu Ejipitu ntshinyi?

Ekesode 16:3

bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Ekesode 20:23

Kanuenji mpingu ya mvidie, mifula ne biamu bitoke bia mushinga mukole nansha ne mpawungi. Kanuenji mvidie inudi nutendelela pamue nanyi!

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

Ekesode 24:18

Moshe kubuela munda mua divuba, kubanda kabidi pa mukuna, kushalaku matuku makumi anayi a munya ne a butuku.

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Ekesode 32:22

Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Ekesode 32:23

Bobu nkayabu bavua bandomba ne: “Utuenzele mvidie, afilele kumpala kuetu. Bualu muntu ewu Moshe uvua mutupatule mu Ejipitu, katuena bamanye tshidi tshimuenzekela to!”

Ekesode 32:7

Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Ekesode 33:3

Nuye mu ditunga edi didi ne biakudia bia bungi. Kadi meme tshiakuya nenu to, bualu nudi ne tshitunu, ndi mua kunubutula mu njila.

Yezekiyele 20:8

“Kadi bena Izrayele kuntombokela, kubenga kungitaba. Muntu nansha umue kavua mubenge mvidie ya dishima ivuaye utendelela. Kavua muimanshe mpingu ya bena Ejipitu. Diba adi meme kushindika ne: nembanyoke ne tshiji. Nkavua musue kubabutuila mu Ejipitu mene.

Osheya 12:13

Yakobe kunyema, kuyaye ku Mezopotamiya. Kutuadijaye kuenzela muntu mukuabu mudimu, anu bua kupeta mukaji. Eyowa, Yakobe kudienza mulami wa bimuna, anu bua kupeta mukaji.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Matayi 24:43

Numanye bimpe ne: bu muena nzubu mudianze kumanya diba didi muivi mua kufika butuku, neashale mutabale. Kakumulekela upanda nzubu wende to.

Matayi 24:48

Kadi pikala muena mudimu essu muntu mubi, neadiambile mundamunda ne: “Mfumuanyi nyessu ujingakana ku luendu.”

Bienzedi 17:29

Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu.

Bienzedi 19:26

Kadi nudi bamone, badiumvuile kabidi tshidi muntu ewu Polu wenza. Udi ujadika ne: nwidie idi bantu benza ki mmvidie menemene to. Ukadi muitabijije bantu ba bungi, ki amu munu mu Efeze, kadi ne miaba kana yonsu ya mu Aziya.

Bienzedi 7:40

Bavua bambila Arone ne: “Utuenzele nwidie idi mua kutulombola, bualu Moshe uvua mutupatule mu Ejipitu awu, katuena bamanye tshidi tshi-muenzekela.”

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Dielulula 9:9

Meme Moshe mvua mubande ku mukuna bua kuangata mabue, avua ne mikenji ya ndondu wenu ne Maweja-Nangila. Meme kulalaku matuku makumi anayi a munya ne a butuku, tshiyi mua kudia nansha kunua.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

2 Petro 3:4

“Kavua munulaye bua kupingana anyi? Kadi udi penyi? Batatu hetu mbamane kufua. Kadi bionsu bidi amu bitungunuka, muvuabi bituadije katshia bafuka buloba!”