Ekesode 31:16 - MUKANDA WA MYIDI MUKULU

¹⁶ Nanku, bena Izrayele ne ndelanganyi yabu yonsu, bavuluke dituku dia Dikisha, bualu ke diumvuangana dietu nabu dia kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku Bena Isalele nebajidile dituku dia Lumingu ku bikondo biabo bionso bu tshihungidi tshia tshiendelele.

Ekesode 31:16 ပူးပေါင်းရင်းမြစ်များ

Yirmeya 50:5

Nenukebe njila udi muye ku Siyone. Bualu ke muaba unudi nuenda nukeba. Nenufike kundi bua meme kutua nenu ndondu wa kashidi, unudi kanuyi mua kupua muoyi tshiendelele.

Genese 17:11

Etshi ke tshimanyinu tshia kashidi tshia pambidi penu, tshidi tshijadika ndondu udi pankatshi panyi nenu.

Genese 9:13

Ndi nteka muanzankongolu mulu mu mavuba bua wikale tshimanyinu tshidi tshivuluija ndondu udi pankatshi panyi ne bantu, kabidi ne bionsu bidi ne muoyi pa buloba.

Ekesode 31:15

Nuenze mudimu mu matuku asambombu, kadi dituku dia muanda mutekete nuikishe, bualu ndituku dia tshijila dia kunnemeka meme Maweja-Nangila Mvidi Mukulu wenu. Muntu yonsu udi wenza mudimu dituku dia Dikisha, nebamushipe.

Ekesode 31:17

Dituku edi nedikale tshimanyinu tshia diumvuangana didi pankatshi panyi ne bena Izrayele. Bualu meme Maweja-Nangila mvua mufuke diulu ne buloba mu matuku asambombu, meme kuikisha dituku dia muanda mutekete.

Yeshaya 58:13

Maweja-Nangila udi wamba ne: “Panudi nulekela mudimu dituku dia Dikisha, nulekela kudienzela malu dituku dianyi dia tshijila, panudi nutangila dituku dia Dikisha bu dituku dia disanka, dia kungenzela mudimu, bu dituku dia kunnemeka, panudi nudinemekelamu bushiwa, nulekela mudimu, nubenga kudienzela malu, nubenga kuakula bia tshianana,

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.