Ekesode 3:9 - MUKANDA WA MYIDI MUKULU

⁹ Ndi mumvue miadi ya bantu banyi. Kabidi ndi mumone mudibu babakengesha kudi bena Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Katataka, tangila, muadi wa Bena Isalele Wakafika kundi, Hakatangila kabidi dikenga diabo didi Bena Ejipitu babakengesha nʼadi.

Ekesode 3:9 ပူးပေါင်းရင်းမြစ်များ

Genese 16:11

Mpindiewu udi ne difu. Neulele muana wa balume. Umuinyike Ismayele. Bualu Maweja-Nangila mmumane kumvua muadi wa dikenga diebe.

Genese 31:12

Mutumibue awu kungambila ne: “Tangila: mikoku nansha mbuji yonsu ya mpumbu idi ne mipolu ne idi ne matoba idi ikuata mashina. Ndi muenze nanku, bualu ndi mumone malu onsu adi Labane mukuenzele.

2 Bakalenga 13:4

Kadi, Yowakaze kusengelela Maweja-Nangila, Maweja-Nangila kumuitaba. Maweja-Nangila mumane kumona muvua mukalenga wa bena Siriya ukengesha bena Izrayele,

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Nehemya 9:9

Wewe kutangila bankambua betu, kumona muvuabu babakengesha mu Ejipitu. Wewe kumvua muvuabu bela mbila ku muelelu wa Mayi manene makunze, bakusengelela bua ubambuluishe.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 1:8

Mukalenga mupiamupia, uvua kayi mumanye Yozefe, kudia bukalenga mu Ejipitu.

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Ekesode 2:25

Kumonaye bena Izrayele, kujadikaye dikenga divuabu nadi.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Muambi 5:8

Bivua mua kuikala bilenga bipite, kupeta mukalenga wa ditunga udi wambuluisha batshidime.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Dielulula 26:7

Tuetu kudidila Maweja-Nangila Mvidi Mukulu wa bankambua betu bua atuambuluishe. Kumvuaye miadi yetu. Kumonaye bionsu bivuabu batuenzele, muvuabu batutatshisha, batutuuta, batukengesha.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”