Ekesode 3:7 - MUKANDA WA MYIDI MUKULU

⁷ Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakamba ne, Nakutangila dikenga dia bantu banyi badi mu Ejipitu bulelela, nakunvua muadi wabo bualu bua tuhita tuabo, bualu bua ndi mumanye kanyinganyinga kabo.

Ekesode 3:7 ပူးပေါင်းရင်းမြစ်များ

Genese 16:11

Mpindiewu udi ne difu. Neulele muana wa balume. Umuinyike Ismayele. Bualu Maweja-Nangila mmumane kumvua muadi wa dikenga diebe.

Genese 18:21

Ndi musue kuya kudimuena bua kujadika ne batshidi batungunuka ne buenzavi buabu bu mundi mumvue emu.

Genese 21:17

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana.

Genese 29:32

Leya kuimita difu, kulela muana wa balume. Kuinyikaye muana awu ne: Rubene. Kuambaye ne: — Maweja-Nangila uvua mumone dikenga dianyi Mpindiewu bayanyi neanange.

Genese 31:12

Mutumibue awu kungambila ne: “Tangila: mikoku nansha mbuji yonsu ya mpumbu idi ne mipolu ne idi ne matoba idi ikuata mashina. Ndi muenze nanku, bualu ndi mumone malu onsu adi Labane mukuenzele.

Genese 31:42

Mvidi Mukulu wa nkambua wanyi Abrahame, ne Mvidi Mukulu uvua mukuatshishe tatu wanyi Izake bowa, kayi mungambuluishe, uvua mua kumpingaja kuetu bianza bitupu. Kadi Mvidi Mukulu uvua mumone mumvua mudipuekeshe, mumone kabidi mudimu mukole undi mukuenzele. Ke padi Mvidi Mukulu mumbingishe butuku buudi wamba abu.

2 Samuele 22:28

Udi wambuluisha tshisamba tshidibu bafuisha bundu, upepeja badi baditambisha.

2 Bakalenga 13:4

Kadi, Yowakaze kusengelela Maweja-Nangila, Maweja-Nangila kumuitaba. Maweja-Nangila mumane kumona muvua mukalenga wa bena Siriya ukengesha bena Izrayele,

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Nehemya 9:9

Wewe kutangila bankambua betu, kumona muvuabu babakengesha mu Ejipitu. Wewe kumvua muvuabu bela mbila ku muelelu wa Mayi manene makunze, bakusengelela bua ubambuluishe.

Misambu 106:44

Maweja-Nangila kumvua miadi yabu, kumonaye dikenga diabu.

Misambu 12:6

Kadi Maweja-Nangila udi wamba ne: “Mpindiewu ndi mfika bua kuambuluisha bapele badibu bakengesha ne bena dikenga badi batua mikemu. Nempikule badibu badiombola.”

Misambu 142:3

Ndi mmukuatshila tshilumbu, mmuleja dikenga dianyi.

Misambu 145:19

Udi witaba malomba a badi bamulamate, ubasungidila padiye umvua bamubila.

Misambu 22:24

“Tumbishayi Maweja-Nangila, nuenu bantu bende! Munemekayi, nuenu ndelanganyi ya Yakobe! Mutshinayi, nuenu bena Izrayele!

Misambu 34:4

Tukobuelayi bonsu Maweja-Nangila. Tutumbishe tshiapamue lumu luende.

Misambu 34:6

Mutangilayi, nanku nenusanke. Kanuakufua bundu, kanuakunyenga mpala.

Misambu 35:22

Kadi wewe Maweja-Nangila uvua mudimuene bionsu bivua bienzeka. Nanku kupuwi, kundekedi nkayanyi!

Misambu 9:14

Maweja-Nangila ungambuluishe, tangila mudi baluishi banyi bankengesha bikole. Ungumushe ku kandondu ka bafue.

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Ekesode 1:8

Mukalenga mupiamupia, uvua kayi mumanye Yozefe, kudia bukalenga mu Ejipitu.

Ekesode 22:23

Nemfike munda, nnushipe ne muela. Nanku bakaji benu nebashale bakamba, bana benu nebashale bana ba nshiya.

Ekesode 33:13

Nanku, bu muudi mungendeshe diakalenga, ungambile bionsu biudi wela meji, bua meme nkumanye nkujadike, ngikale muena diakalenga kashidi. Uvuluke ne: bena Izrayele mbantu bebe.

Ekesode 5:10

Nanku bena Ejipitu ne bena Izrayele bavua ne bua kulombola mudimu wa bantu, kupatukabu ku nzubu wa bukalenga, kuambilabu bena Izrayele ne: — Ke bidi mukalenga wa bena Ejipitu wamba ebi ne: Tshiena nnupesha kabidi bisosa to.

Ekesode 5:6

Anu dituku adi, Mukalenga wa bena Ejipitu kukandika bena Ejipitu ne bena Izrayele, bavua ne kulombola mudimu wa bantu ne:

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Dibadika 20:16

Pashishe tuetu kutendelela Maweja-Nangila. Kututelejaye, kututuminaye mutumibue wende bua kutupatula mu Ejipitu. Mpindiewu tudi mu Kadeshe, tshimenga tshidi ku mikalu ya ditunga diebe.

Bienzedi 7:34

Ndi mumone mudi bantu banyi bakenga mu Ejipitu. Ndi mumvue mudibu batua mikemu. Ke pandi mupueke bua kubasungidila. Mpindiewu, luaku! Ndi nkutuma ku Ejipitu.”

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”