Ekesode 3:4 - MUKANDA WA MYIDI MUKULU

⁴ Maweja-Nangila uvua mumone muvua Moshe usemena pabuipi bua kujadika bualu abu. Kubikilaye Moshe munkatshi mua tshipuka ne: — Moshe! Moshe! Awu kuitaba ne: — Ke meme awu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakamumona Yehowa uya kutangila bualu ebu. Nzambi wakamubikila mu katshi, wakamba ne, Mose, Mose Yeye wakitaba ne, Ndiku.

Ekesode 3:4 ပူးပေါင်းရင်းမြစ်များ

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Genese 22:11

Kadi kumvuaye diyi dia mutumibue wa Mvidi Mukulu difumina mu diulu dimubikila ne: — Abrahame, Abrahame! Yeye kuitaba ne: — Ke meme ewu.

Genese 28:16

Yakobe utabuluka ku tulu, kukemaye wamba ne: — Bulelela, tshiena mumanye to! Kadi Maweja-Nangila udi muaba ewu!

Genese 46:2

Butuku abu Mvidi Mukulu kumumuenekela, umuleja malu. Kumubikilaye ne: — Yakobe, Yakobe! Yeye kuitaba ne: — Ke meme ewu.

Misambu 62:11

— Kukebi buneme ku tshinyangu, kutekemenyi makasa ku buivi. Nansha bubanji buebe buvulangane, kutekiku muoyi.

Ekesode 19:3

Moshe kubanda ku mukuna bua kumonangana ne Mvidi Mukulu. Maweja-Nangila muikale ku lusongu lua mukuna kubikila Moshe, umuambila ne: — Ndaku, wambile bena Izrayele, ndelanganyi ya Yakobe, ne:

Ekesode 3:2

Muaba awu, mutumibue wa Mvidi Mukulu kumuenekela Moshe mu ndimi ya kapia munkatshi mua tshipuka. Moshe kumona muvua tshipuka tshitema kapia katshiyi tshipia tshibutuka.

Ekesode 33:12

Moshe kuambila Maweja-Nangila ne: — Maweja-Nangila unteleje. Wewe udi muntume bua meme kulombola bena Izrayele, kadi kuena mumpeshe muntu mukuabu udi mua kungambuluisha to. Wewe udi munsungule, mungendeshe diakalenga bu muuvua mumane kuamba.

Ekesode 4:5

Maweja-Nangila kuambila Moshe ne: — Enza tshishima etshi bua bena Izrayele bitabe, bajadike ne: meme Mvidi Mukulu wa bankambua babu, wa Abrahame, wa Izake ne wa Yakobe, ndi mukumuenekele.

Lewitiki 1:1

Pavua Maweja-Nangila mu ntenta wa kusambakena, kubikilaye Moshe, kumuambila bua

Bienzedi 10:13

Petro kumvua diyi, dimuamba ne: — Petro, juka, ushipe, udie!

Bienzedi 10:3

Dituku kampanda, ku diba dia isatu wa dilolu, Mvidi Mukulu kumuleja malu. Kumonaye patoke mutumibue wa Mvidi Mukulu, ubuela mu nzubu muende, umubikila ne: — Korneliyuse!

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

Dielulula 33:16

Bubanji buonsu bua mu ditunga dimpe edi, diakalenga dia Mvidi Mukulu udi mu tshipuka, bipueke pa tshisamba tshia Yozefe, udi Mvidi Mukulu musungule mfumu wa bana babu.

1 Samuele 3:10

Maweja-Nangila kufika, kuimana kabidi muaba awu bu misangu mikuabu. Kubikilaye ne: “Samuwele, Samuwele”! Muana kuitaba ne: — Ke meme muntu webe ewu ndi muteleja, ngambilaku.

1 Samuele 3:4

Maweja-Nangila kubikila Samuwele. Samuwele kuitaba ne: “Eyowa, mfumuanyi.”

1 Samuele 3:6

Musangu muibidi, Maweja-Nangila kubikila Samuwele ne: “Samuwele!” Muana kujuka, kuya kudi Eli, kumuambila ne: — Ke meme uuvua ubikila ewu! Eli umuambila ne: — Muananyi, tshiena mukubikila to! Pingana, uye kulala.

1 Samuele 3:8

Musangu muisatu, Maweja-Nangila kubikila muana: “Samuwele!” Samuwele kujuka kuya kudi Eli, umuambila ne: — Ke meme uuvua ubikila ewu! Musangu ewu, Eli kujadika ne: Maweja-Nangila ke udi ubikila muana ewu.