Ekesode 3:12 - MUKANDA WA MYIDI MUKULU

¹² Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nzambi wakamba ne, Bulelela, nengikale nʼebe, nenkuhe tshimanyinu etshi tshidi tshilesha ne nakukutuma hawahatula bantu badi mu Ejipitu, nenutendelele Nzambi ha mukuna eu.

Ekesode 3:12 ပူးပေါင်းရင်းမြစ်များ

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 15:8

Abrame kumukonka ne: — Maweja-Nangila Mvidi Mukulu wanyi, nemmanye ne: ditunga edi nedishale dianyi mushindu kaayi?

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Genese 31:3

Ke Maweja-Nangila kuambila Yakobe ne: — Pingana kuenu, mu diku dia baledi bebe. Meme nengikale nebe.

2 Bakalenga 19:29

“Kadi wewe Izkiya, ndi nkuleja bidi ne bua kuenzeka tshidimu etshi, neudie ntete ya kuenza bukula ya bidimenena nkayabi. Tshidimu tshialonda, neudie kabidi ntete ya bidimenena. Kadi tshidimu tshisatu, nenuyikune, nenuyinowe. Nenukune mionji yenu ya mvinyo, nenunue maluvu ayi.

1 Kulondolola 9:20

Pinase, muana wa Elazare, ke uvua ubatangila kale mu mudimu awu, bualu Maweja-Nangila uvua nende.

Misambu 86:17

Umpeshe tshimanyinu tshidi tshindeja ne: malu onsu neende bimpe. Bundu bukuate badi bankina, pamonabu ne wewe, Maweja-Nangila udi munsungidile ne munsambe!

Ekesode 18:5

Nanku Yetro, tatuende muenu wa Moshe, ne mukaji wa Moshe, pamue ne bana ba Moshe babidi abu, kufika mu tshipela ku mukuna wa Mvidi Mukulu, muaba uvua Moshe mutudile.

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Ekesode 3:13

Moshe kuamba ne: — Mbimpe. Kadi pangaya kuambila bena Izrayele ne: “Mvidi Mukulu wa bankambua benu mmuntume kunudi,” pangebejabu ne: dina diende nnganyi nembandamune tshinyi?

Ekesode 33:14

Maweja-Nangila kuandamuna Moshe ne: — Meme nkayanyi nenkulombole; neutshimune.

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

Ekesode 4:15

Neumumvuije tshidiye mua kuamba. Nennuambuluishe wewe ne muanenu Arone bua nuakule bimpe. Nennumanyishe tshinudi mua kuenza.

Ekesode 8:27

Maweja-Nangila kuitaba bivua Moshe ulomba. Njiji yonsu kumuka kua mukalenga wa bena Ejipitu, kua balombodi ba mu bukalenga buende ne kua bantu bende bonsu.

Yeshaya 37:30

Kadi wewe Izkiya, ndi nkuleja malu adi ne bua kuenzeka: tshidimu etshi, nebadie bukula buenza ne ntete ya bidimenena. Tshidimu tshialonda kabidi ne benze nanku. Kadi tshidimu tshia panyima, nudi mua kumiamina ne kunowa ntete ya kuenza bukula, nudi mua kukuna mionji yenu ya mvinyo, ne kupola tumuma tuayi.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yirmeya 1:8

Kutshinyi bantu aba to, bualu ndi nebe bua kukusungidila. Ke bivua Maweja-Nangila mungambile.

Dibadika 16:28

Moshe kuamba ne: — Nenujadike mundi tshiyi ndienzela malu nkayanyi to, kabidi mudi Maweja-Nangila nkayende muntume bua kukumbaja bionsu ebi.

Dibadika 23:21

Maweja-Nangila kena mumone bubi, kena mumone buenzavi kudi bena Izrayele. Udi Mvidi Mukulu wabu, musombe munkatshi muabu. Badi bamutumbisha bualu udi mukalenga wabu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Marke 16:20

Balongi kuya kulongesha miaba yonsu Lumu lua Disanka. Mfumu uvua ubambuluisha mu mudimu ewu, bua kuleja ne bivuabu balongesha bivua bia bushiwa ku bishima bivuabu benza.]

Bienzedi 11:21

Mfumu uvua ubambuluisha ne bukole buende. Bantu bavule kuitaba Mfumu, kudilengeja.

Bienzedi 7:7

Kadi nennyoke bantu bavua babakuate ku bupika. Pashishe nebumbuke mu ditunga adi, bua kuntendelela muaba ewu.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 31:23

Pashishe Maweja-Nangila kukolesha Yoshuwa, muana wa Nune, ku muoyi, umuambila ne: “Kutshinyi, kuzakadi. Wewe neufikishe bena Izrayele mu ditunga dia Kenaane dimvua mubalaye. Meme nengikale nebe.”

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Balombodi 6:12

Mutumibue wa Maweja-Nangila kumumuenekela, kumuambila ne: — Maweja-Nangila udi nebe, tshilobu tshia mvita!

Balombodi 6:16

Ke Maweja-Nangila kumuambila ne: — Nengikale nebe. Nanku neushipe bena Madiyane, bu bikale amu muntu umue.

Balombodi 6:17

Ngideyone kuamba ne: — Pawikala munnange, umpeshe tshimanyinu tshidi tshijadika ne: ke wewe Maweja-Nangila udi wakula nanyi.

Balombodi 6:21

Pashishe mutumibue kuolola tshianza tshivua ne dikombu, kutuaye lusongu lua dikombu pa munyinyi ne mampa. Kapia kulakuka mu lubuebue, kuosha munyinyi ne mampa. Pashishe mutumibue awu kujimina.

Balombodi 7:11

Neunwue bionsu bidibu bamba. Pashishe, newikale ne dikima dia kubaluisha. Ngideyone ne Pura kupueka too ne ku mpenga kua mitanda.

1 Samuele 14:10

Kadi pikalabu batubikila ne: “Bandilayi kuneku,” netuye kudibu. Nenku, ke tshimanyinu tshidi tshitujadikila ne: Maweja-Nangila mmubafile mu bianza bietu.