Ekesode 3:11 - MUKANDA WA MYIDI MUKULU

¹¹ Moshe kuandamuna Mvidi Mukulu ne: — Meme tshiena ne mushindu wa kuya kumonangana ne mukalenga wa bena Ejipitu bua kupatula bena Izrayele to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mose wakambila Nzambi ne, Meme ndi nganyi bua kuya kudi Palo ne bua buhatula Bena Isalele mu Ejipitu?

Ekesode 3:11 ပူးပေါင်းရင်းမြစ်များ

2 Samuele 7:18

Ke mukalenga Davide kuya mu ntenta wa tshijila, kumpala kua Maweja-Nangila, umulomba ne: — Maweja-Nangila Mvidi Mukulu wanyi, ndi mumanye ne: meme ne bena nzubu wanyi, katuvua bakanyine kupeta bionsu biudi mutuenzele ebi to.

1 Bakalenga 3:7

Eyowa, Maweja-Nangila Mvidi Mukulu wanyi, wewe ke udi mumpe bukalenga bua kupingana tatu wanyi Davide. Kadi, meme ntshidi amu nsongalume. Tshiena mumanye mua kulombola bantu to.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

1 Kulondolola 29:14

Meme ndi muntu wa tshianana. Bantu banyi badi bantu ba tshianana. Tuetu katuena mua kukulambula milambu eyi ku bukole buetu. Tudi bapete bionsu amu kuudi. Nenku tudi mua kukulambula amu bitudi bapete kuudi.

Ekesode 6:12

Moshe kuandamuna Maweja-Nangila ne: — Bu mudi bena Izrayele kabayi bateleja bindi mubambile, mukalenga wa bena Ejipitu kabidi kakuitaba to, bualu ndi ngakula ne lutatu.

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

2 Korente 2:16

Bua badi bajimina, dipembu adi didi diumvuika mupuya mubi udi ufila lufu. Bua badi mu njila wa lupandu, dipembu adi didi diumvuika mupuya muimpe udi ufila muoyi. Nanku udi ne bukole bua kukumbaja mudimu wa mushindu ewu nnganyi?

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

Balombodi 6:15

Ngideyone kuandamuna ne: — Maweja-Nangila, ndi nkusengelela ne: meme ndi mua kusungidila bena Izrayele mushindu kaayi? Ku meku onsu a mu tshisamba tshietu tshia Menashe, diku dianyi ndia bantu badi kabayi ne bukole nansha bukese. Kabidi meme ndi muana wa mukala mu nzubu muetu.

1 Samuele 18:18

Davide kuandamuna ne: — Mukalenga, meme ndi muntu tshianana. Bena diku dia tatu, ne bena nzubu wetu, badi anu bantu tshianana. Kadi, meme nengikale muku wa mukalenga mushindu kaayi?