Ekesode 3:1 - MUKANDA WA MYIDI MUKULU

¹ Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mose wakadi ulama mikoko ya Yetelo tatu andi-muenu, mubuki wa mu Midiyana, wakaya ne mikoko ku nyima kua tshihela, wakalua ku mukuna wa Nzambi, dina diau Holeba.

Ekesode 3:1 ပူးပေါင်းရင်းမြစ်များ

1 Bakalenga 19:19

Eliya kumuka muaba awu, kusangana Elisha, muana wa Shafate udima budimi ne ngombe makumi abidi ne inayi misuikakaja ibidi ibidi. Elisha mene uvua udima ne tshisumbu tshia dikumi ne tshibidi. Pavua muambi Eliya upitshila pabuipi ne Elisha, kutekaye Elisha tshinkutu pambidi.

1 Bakalenga 19:8

Ke muambi Eliya kujuka bua kudia ne kunua. Biakudia abi kumupa bukole. Kuendaye matuku makumi anayi, munya ne butuku, too ne ku Sinayi, mukuna wa Mvidi Mukulu.

Misambu 106:19

Kuenzabu kana ka ngombe ku mukuna wa Orebe, kutendelelabu tshiamu tshivuabu bengulule.

Ekesode 17:6

Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Ekesode 19:11

Bangindile, bualu dituku disatu meme nempueke ku mukuna wa Sinayi, bena Izrayele bonsu batangile.

Ekesode 19:3

Moshe kubanda ku mukuna bua kumonangana ne Mvidi Mukulu. Maweja-Nangila muikale ku lusongu lua mukuna kubikila Moshe, umuambila ne: — Ndaku, wambile bena Izrayele, ndelanganyi ya Yakobe, ne:

Ekesode 2:16

Mu Madiyane muvua mutuangaji Yetro ne bana bende ba bakaji muanda mutekete. Dituku adi bana ba bakaji abu kupueka bua kusuna mayi a kuela mu luvu bua kunuisha bimuna bia tatuabu.

Ekesode 2:18

Bansongakaji kupingana pambelu. Tatuabu Yetro kubakonka ne: — Lelu munudi bapingane lukasa nanku mmunyi?

Ekesode 2:21

Moshe kuitaba bua kusomba kua muntu awu. Yetro kuselesha muanende wa bakaji Sefora kudi Moshe.

Ekesode 24:13

Moshe kujuka ne Yoshuwa uvua umuambuluisha, kuambilaye bakulu ne:

Ekesode 3:12

Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

Ekesode 3:5

Mvidi Mukulu kumuambila ne: — Kusemenyi pabuipi to. Kopola bisabata biebe, bualu udi muimane muaba wa tshijila.

Ekesode 33:6

Ke muakadikengesha bena Izrayele nanku, kumushabu bilenga bionsu bivuabu bavuale, bituadije ku mukuna wa Sinayi.

Ekesode 4:18

Moshe kuya kudi tatuende muenu Yetro, kumuambila ne: — Ndi ne bua kuya kumonangana ne bana betu badi bashala mu Ejipitu bua kujadika ne: batshidi ne muoyi. Tatuende muenu kuitaba ne: — Waya bimpe.

Ekesode 4:27

Maweja-Nangila kuambila Arone ne: — Uye kumonangana ne muanenu Moshe mu tshipela. Arone kuya, usangana Moshe ku mukuna wa Mvidi Mukulu. Kumupukilaye.

Amosa 1:1

Mu mukanda ewu mbafunde miaku ya Amosa, mumunyi wa nyama, wa mu musoku wa Tekowa. Maweja-Nangila uvua mumumanyishe malu avua atangila bukalenga bua bena Izrayele, bidimu bibidi kumpala kua tshikumina tshinene. Mu tshikondu tshiwa Uziya mukalenga wa bena Yuda, ne Yerobowame, muana wa Yowashe, mukalenga wa bena Izrayele,

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Dibadika 10:33

Bena Izrayele kumuangala ku mukuna wa Maweja-Nangila, kuenda matuku asatu. Mushete wa ndondu uvua mubadianjidile bua kubaleja muaba uvuabu mua kuasa mitanda yabu bimpe.

Luke 2:8

Mu buloba abu muvua balami ba mikoku, batshisha butuku mu mpata bua kulama mikoku yabu.

Bienzedi 7:30

Bidimu makumi anayi bimane kupita, mutumibue wa Mvidi Mukulu kumuenekela Moshe mu tshipuka tshitema kapia, mu tshipela tshivua pabuipi ne mukuna wa Sinayi.

Dielulula 1:2

(Kumukila ku mukuna wa Sinayi bua kufika ku Kadeshe-Barneya, muntu udi mua kuenda matuku dikumi ne dimue, pikalaye mulonde njila wa ku mikuna ya Seyire.)

Dielulula 1:6

— Patuvua ku mukuna wa Sinayi. Maweja-Nangila Mvidi Mukulu wetu uvua mutuambile ne: “Nudi bashale ku mukuna eku matuku mapite bungi.

Dielulula 4:10

Vulukayi dituku dinuvua ku mukuna wa Sinayi, kumpala kua Maweja-Nangila Mvidi Mukulu wenu. Yeye uvua mungambile ne: “Sangisha bena Izrayele bonsu. Ndi musue kubamanyisha mikenji yanyi, bua bayilonde, bannemeke patshidibu ne muoyi. Nebayilongeshe kabidi ndelanganyi yabu.”

Balombodi 4:11

Ebere, muena Kayine, uvua usomba pabuipi ne Kadeshe. Uvua muase ntenta wende ku luseke lua mutshi wa lusanga uvua mu Sananime. Uvua mumane kumuka munkatshi mua bena Kayine bakuabu, ndelanganyi ya Obabe, bukonde bua Moshe.

1 Samuele 16:11

Ke Samuwele kukonka Ishayi ne: — Bana bebe bonsu badi muaba ewu anyi? Ishayi kuandamuna ne: — To! Nkushale anu Davide, muana a mukala, udi ulama mikoku. Samuwele kutuma diyi ne: — Muntu aye kukeba muana awu. Katuena mua kutuadija kudia bia ku mulambu, muana awu kayi muanji kufika.