Ekesode 27:16 - MUKANDA WA MYIDI MUKULU

¹⁶ Mu mushiku wa mbelu wa lupangu, muikale tshilamba tshia bule bua metre dikumi, tshitela ne buanda bua ndanda ne bua miosa ya nyama bufikuluke, bukunzubile ne bukunze kunzuu. Ukudike tshilamba atshi, ku makunji anayi adi pa bitaku binayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ku mbelu kua luhangu tshilulu netshikaleku tshia buanda bua bleu ne bukunzubile ne bukunze-kunzû ne bua lin mutambe buimpe, tshienjibue kudi mundi wa lungenyi lule, enza makunshi anai ne nkanu mai.

Ekesode 27:16 ပူးပေါင်းရင်းမြစ်များ

Misambu 45:14

Muana wa bakaji wa mukalenga udi ubuela mu nzubu, mulenga mulaya, muvuale bilamba bia mushinga mukole, bilengeja ne mpawungi.

Ekesode 26:31

“Batedi benze tshilamba tshinene tshia mu mushiku wa mbelu. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Kabidi, tshikale tshizola bimfuanyi bia Bakerubine.

Ekesode 26:36

“Tshilamba tshia kulembeleja mu mushiku wa mbelu wa ntenta, tshikale tshitela bimpe ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu.

Ekesode 27:15

Kuikale makunji asatu ne bitaku bisatu.

Ekesode 27:17

Milonda ya tshiamu tshitoke tshia mushinga mukole ayi, neyilamakaje makunji onsu adi nunyungulule lupangu. Nkanu ya bijengu neikale kabidi ya tshiamu tshitoke tshia mushinga mukole. Kadi, bitaku nebikale bia tshiamu tshikunze.

Ekesode 28:39

“Nebatelele kabidi Arone: tshilamba tshia muinshi tshia miosa ya nyama, tshifulu tshia buanda bua ndanda ne mukaba mulengeja.

Ekesode 36:37

Nanku batedi kutela tshilamba tshia mu mushiku wa mbelu wa nzubu wa tshijila ne buanda bukole bua ndanda busambakaja ne bua miosa ya nyama bufikuluke, bukunzubile ne bukunze kunzuu.

Ekesode 39:29

Kubatekabu kabidi mikaba milengeja ne buanda bukole bua ndanda, busambakaja ne bua miosa ya nyama bufikuluke, bukunzubile ne bukunze kunzuu, bu muvua Maweja-Nangila muambile Moshe.

Dibadika 3:26

Bavua balama kabidi bilamba bia ku lupangu, ne tshilamba tshia ku tshibuelelu tshia lupangu luvua lunyungulula nzubu wa tshijila ne tshilambuilu. Bavua balama kabidi mionji yonsu ya kuasa nayi ntenta.

Balombodi 5:30

“Bena mvita mbapawule bintu bulelela, bakadi babanyangana bivuabu bapete: muena mvita yonsu mmupete nsongakaji, mulengele, umue nansha babidi mene. Sisra mmupete bilamba bilaba kakula, bizola mekala. Eyowa, mmupete tshilamba tshilengeja ne buanda bua mekala a mishindu ibidi, tshia kuela mu nshingu mua muntu udi utshimuna.”