Ekesode 27:1 - MUKANDA WA MYIDI MUKULU

¹ “Pashishe, wenze tshilambuilu tshia mabaya a mitshi ya ndunga tshia kuoshila milambu. Tshikale ne metre abidi ne tshitupa nseke yatshi yonsu. Butumbuke buatshi buikale metre umue ne tshitupa.

Mukanda wa Nzambi Dihungila Dikulukulu ne Dihungila Dihia-dihia 2003

¹ Enza biebe tshioshelu tshia mabaya a acacia, buludi bua tshi nebuikale coudées itanu, butshiama buatshi coudées itanu ne bule buatshi bua mulu coudées isatu.

Ekesode 27:1 ပူးပေါင်းရင်းမြစ်များ

2 Samuele 24:18

Anu dituku adi, muambi Ngade kuya kudi Davide, umuambila ne: — Uye muaba udi Aravna ushipula ntete ya kuenza bukula, washilapu Maweja-Nangila tshilambuilu.

2 Bakalenga 16:14

Pashishe kumushaye tshilambuilu tshia tshiamu tshikunze tshivuabu bajidile mu dina dia Maweja-Nangila. Tshilambuilu atshi, tshivua pabuipi ne mushiku wa nzubu wa Mvidi Mukulu, pankatshi pa tshilambuilu tshipiatshipia ne nzubu wa Mvidi Mukulu. Kutshitekaye panyima pa tshilambuilu tshipiatshipia ku mutu.

1 Kulondolola 6:49

Bena Izrayele bavua bapesha ndelanganyi ya bena Levi bimenga ebi ne mpata ya kudishila bimuna biabu.

2 Kulondolola 4:1

Kuenzabu tshilambuilu tshia tshiamu tshikunze, tshikale ne metre dikumi mu bule ne mu butshiama, butumbuke buatshi buvua metre atanu.

Ezela 3:2

Mutuangaji Yeshuwa, muana wa Yoshadake, pamue ne batuangaji bakuabu, bana babu, kabidi ne Zerubabele, muana wa Sheyaltiyele, ne bana babu, kutuadijabu kuibakulula tshilambuilu tshia Mvidi Mukulu wa bena Izrayele, bua bamone mua kulambuilapu milambu ya kuosha, bu mudibu balombe mu mikenji ya Moshe, muntu wa Mvidi Mukulu.

Ekesode 17:15

Ke Moshe kuashila Maweja-Nangila tshilambuilu, kutshinyika dina ne: “Maweja-Nangila ke dibendela dianyi.”

Ekesode 24:4

Moshe kufunda meyi onsu a Maweja-Nangila mu mukanda. Kujukaye dinda dionsu, kuasaye tshilambuilu kuinshi kua mukuna. Kujulaye kabidi makunji a mabue manene dikumi ne abidi. Tshisamba tshionsu tshia bena Izrayele tshivua ne dikunji diatshi.

Ekesode 31:9

tshilambuilu ne bintu bionsu bidipu, dilongu dinene ne tshitaku tshiadi,

Ekesode 35:16

tshilambuilu tshia milambu ne tukanu tua tshiamu tshikunze, mitshi ya kuelaku, ne bintu bionsu bivua ku tshilambuilu; dilongu dinene ne tshitaku tshiadi.

Ekesode 39:39

— tshilambuilu tshia tshiamu tshikunze, munyingu watshi wa tshiamu tshikunze, mitshi yatshi ne bintu bionsu bivuaku; — dilongu dinene dia kuowa mayi, ne tshitaku tshiadi;

Ekesode 40:10

Ulabe kabidi mafuta awu ku tshilambuilu tshia milambu, ne ku bionsu bidiku. Utshijidile, bua tshishale tshia tshijila.

Ekesode 40:29

Kutekaye tshilambuilu pabuipi ne mushiku wa mbelu wa ntenta, bua kulambuilapu Maweja-Nangila milambu ya kuosha, ne ya bintu bia mu madimi, bu muvua Maweja-Nangila mmuambile.

Ekesode 40:6

Uteke tshilambuilu tshia milambu ya kuosha kumpala kua mushiku wa mbelu wa ntenta wa kusambakena.

Dibadika 3:31

Bena tshisamba etshi bavua ne mudimu wa kulama bimpe mushete wa ndondu, mesa a tshijila, tshitekelu tshia miendu, bilambuilu, malongu adibu benza nawu mudimu muaba wa tshijila, kabidi ne tshilamba tshidibu balembeleja munda mua nzubu wa tshijila.

Dibadika 4:13

Nebumushe butu bonsu budi mu tshilambuilu bua kuadijamu tshilamba tshikunze.

Dibadika 4:14

Nebatekemu bintu bionsu bivuabu benza nabi mudimu bua kulambula milambu: mbabula, nsomu wa kuambula nende munyinyi, bikasu ne mabungu a kuela mayi a kumiamina. Nebabuikile tshiseba tshikole tshia nyama wa nkonga ku bionsu ebi. Nebabueje milonda ku tshilambuilu bua kutshiambuilaku.

Ebrewu 13:10

Batuangaji badi benza mudimu muaba wa tshijila wa bena Yuda kabena mua kudia bidibu balambula pa tshilambuilu tshietu.