Ekesode 26:3 - MUKANDA WA MYIDI MUKULU

³ Nanku, ulamakaja bilamba bitanu bitanu.

Mukanda wa Nzambi Dihungila Dikulukulu ne Dihungila Dihia-dihia 2003

³ Bilulu bitanu nebikale bituangane ne bilulu bitanu bikuabo, binga bilulu bitanu nebikale bituangane ne bilulu bitanu bikuabo.

Ekesode 26:3 ပူးပေါင်းရင်းမြစ်များ

Ekesode 26:2

Tshilamba tshionsu, tshikale ne metre dikumi ne anayi mu bule ne metre abidi mu butshiama. Bilamba bionsu bikale anu bule bumue.

Ekesode 26:4

Kadi, ku mibangu ya tshisumbu tshia bilamba tshionsu, usuikaku makopa ne mukaba mufikuluke.

Ekesode 26:9

Ulamakaje bangabanga bilamba bitanu. Pashishe ulamakaje bilamba bisambombu. Tshilamba tshisambombu netshikale tshilembeleja mu mushiku wa mbelu.

Ekesode 36:10

Bilamba abi, bivua bilamakaja bitanu luseke bitanu luseke lukuabu.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

1 Korente 12:4

Mapa adi mashilangane, kadi amu Mueyelu umue wa momumue ke udi wafila.

Efeze 4:16

Yeye nkayende ke udi utuangaja bikole bitupa bishilangane bia mubidi, ubisuikakaja ne manungu. Nanku padi tshitupa tshionsu tshia mubidi tshikuata mudimu amu pa wowu, mubidi mujima udi utanta, ukola mu dinanga.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.