Ekesode 24:7 - MUKANDA WA MYIDI MUKULU

⁷ Pashishe, kubalaye ne diyi dikole mukanda wa meyi a ndondu uvua Maweja-Nangila mutue ne bantu. Bantu bonsu kuitaba ne: — Netuenze bionsu bidi Maweja-Nangila muambe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakangata mukanda wa dihungila, wakaubala ku mpala kua bantu, bobo bakamba ne, Mei onso akuamba Yehowa netuênze, netuatumikile.

Ekesode 24:7 ပူးပေါင်းရင်းမြစ်များ

1 Bakalenga 8:9

Mu mushete amu, muvua anu mabue abidi avua ne mikenji. Moshe ke uvua muteke mabue awu mu mushete. Uvua muapete ku mukuna wa Sinayi pavua Maweja-Nangila utua ndondu ne bena Izrayele, mumane kubapatula mu Ejipitu.

2 Kulondolola 15:14

Bantu bonsu bavua baditshipa kudi Maweja-Nangila, kuelabu bibingu bikole, bakuma bikashi, bela ne mpungi, bimba ne nsengu.

Misambu 50:5

Udi wamba ne: “Nsangishilayi bena dianyi, bamvua mutue nabu ndondu, balaye mua kuntumikila, bajadike tshiovu ne milambu.”

Misambu 78:36

Kadi kabavua ne bulelela. Bivuabu bamuambila bivua bia dishima.

Ekesode 19:8

Bantu bonsu kuitaba ne: — Netuenze bionsu bidi Maweja-Nangila muambe. Moshe kufikisha bivua bantu bandamune kudi Maweja-Nangila.

Yirmeya 34:13

— Maweja-Nangila Mvidi Mukulu wa Izrayele udi unuambila ne: “Meme kabidi mvua mutue ndondu ne bankambua benu pavuabu mu Ejipitu. Meme kubapatulamu.

Yirmeya 42:6

Tudi bakulombe bua umonangane ne Maweja-Nangila Mvidi Mukulu wetu. Nanku netuitabe tshionsu tshiatuenzelaye, nansha tshiotshi tshitusankisha, nansha katshiyi tshitusankisha. Nanku netupete anu dikasa dimpe, bualu netutumikile Maweja-Nangila Mvidi Mukulu wetu.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Malaki 2:10

Tuetu bonsu katuena bena tatu umue anyi? Mvidi Mukulu wa mumue ke udi mutufuke! Kadi tudi tuenzelangana malu mabi, tupula ndondu uwa Mvidi Mukulu mutue ne bankambua betu bua tshinyi?

Bienzedi 13:15

Bantu bamane kubala mukanda wa Mikenji ne wa Bambi, bamfumu ba nzubu wa kutendelela kubalomba ne: — Bana betu, panuikala ne imue miaku ya kukolesha nayi bantu ku muoyi, nudi mua kuakula mpindiewu.

Kolose 4:16

Panuikala bamane kubala mukanda ewu, nukebe bua baubale kabidi kudi bena ditaba ba mu Lawodikiya. Nuenu kabidi nubale mukanda wanutumina bena ditaba ba mu Lawodikiya.

1 Tesalonike 5:27

Mu dina dia Mfumu, ndi nnusengelela ne: nubadile bena ditaba netu bonsu mukanda ewu.

Yoshua 24:24

Bena Izrayele kuandamuna ne: — Eyowa, tudi basue kuenzela Maweja-Nangila Mvidi Mukulu wetu mudimu, kutumikila diyi diende.