Ekesode 24:3 - MUKANDA WA MYIDI MUKULU

³ Moshe kupueka bua kumanyisha bantu meyi ne mikenji bivua Maweja-Nangila mumuambile. Bantu bonsu kuitaba ne: — Netuenze bionsu bidi Maweja-Nangila muambe.

Mukanda wa Nzambi Dihungila Dikulukulu ne Dihungila Dihia-dihia 2003

³ Mose wakalua, wakamanyisha bantu mei onso akamba Yehowa, ne mikenji yandi yonso, ne bantu bonso bakitaba dî dimue ne, Mei onso akutuambila Yehowa netuênze.

Ekesode 24:3 ပူးပေါင်းရင်းမြစ်များ

2 Kulondolola 15:14

Bantu bonsu bavua baditshipa kudi Maweja-Nangila, kuelabu bibingu bikole, bakuma bikashi, bela ne mpungi, bimba ne nsengu.

2 Kulondolola 15:15

Bukalenga bua bena Yuda buvua ne disanka, bualu bantu bavua balaya nanku ne muoyi wabu mujima. Bonsu bavua bakeba Maweja-Nangila ne musangelu. Yeye kabidi uvua mudifile kudibu, mubapeshe ditalala ku mikalu yabu yonsu.

Misambu 50:5

Udi wamba ne: “Nsangishilayi bena dianyi, bamvua mutue nabu ndondu, balaye mua kuntumikila, bajadike tshiovu ne milambu.”

Ekesode 19:8

Bantu bonsu kuitaba ne: — Netuenze bionsu bidi Maweja-Nangila muambe. Moshe kufikisha bivua bantu bandamune kudi Maweja-Nangila.

Ekesode 24:2

Anu wewe nkayebe usemena pabuipi nanyi. Bena Izrayele bonsu kabena mua kubanda ku mukuna eku to.

Ekesode 24:7

Pashishe, kubalaye ne diyi dikole mukanda wa meyi a ndondu uvua Maweja-Nangila mutue ne bantu. Bantu bonsu kuitaba ne: — Netuenze bionsu bidi Maweja-Nangila muambe.

Yirmeya 11:4

Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yirmeya 34:13

— Maweja-Nangila Mvidi Mukulu wa Izrayele udi unuambila ne: “Meme kabidi mvua mutue ndondu ne bankambua benu pavuabu mu Ejipitu. Meme kubapatulamu.

Agayi 2:5

Panuvua bapatuke mu Ejipitu, mvua munulaye bua kuikala munkatshi muenu. Kanutshinyi to.

Malaki 2:10

Tuetu bonsu katuena bena tatu umue anyi? Mvidi Mukulu wa mumue ke udi mutufuke! Kadi tudi tuenzelangana malu mabi, tupula ndondu uwa Mvidi Mukulu mutue ne bankambua betu bua tshinyi?

Dielulula 11:1

Nunange Maweja-Nangila Mvidi Mukulu wenu, numuenzele mudimu, nukumbaje meyi ne mikenji yende.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Yoshua 24:21

Bena Izrayele kuandamuna ne: — Kabiena mua kuenzeka to! Tuetu netuenzele amu Maweja-Nangila mudimu.

Yoshua 24:22

Yoshuwa kubambila ne: — Nuenu nkayenu nudi badijadikile bualu ebu. Nuenu nkayenu nudi basungule bua kuenzela Maweja-Nangila mudimu. Bena Izrayele kuitaba ne: — Eyowa, tudi badijadikile bualu ebu nkayetu.

Yoshua 24:24

Bena Izrayele kuandamuna ne: — Eyowa, tudi basue kuenzela Maweja-Nangila Mvidi Mukulu wetu mudimu, kutumikila diyi diende.