Ekesode 24:1 - MUKANDA WA MYIDI MUKULU

¹ Maweja-Nangila kuambila Moshe ne: — Bikila Arone, Nadabe, Abihu ne bakulu ba bena Izrayele makumi muanda mutekete. Ubande ku mukuna kundi eku bua kutendelela. Kadi, batuile binu pa bule.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Mose ne, Ulue biebe kudi Yehowa ne wewe ne Alona ne Nadaba ne Abihu ne bakulu ba Bena Isalele makumi muanda mutekete, nuntendelele ha bule.

Ekesode 24:1 ပူးပေါင်းရင်းမြစ်များ

1 Kulondolola 6:3

Bana ba balume ba Kekate badi nenku: Amrame, Ishare, Ebrone ne Uziyele.

Ekesode 1:5

Ndelanganyi ya Yakobe yonsu ivua bantu makumi muanda mutekete. Amu Yozefe uvua mumane kudianjila mu Ejipitu.

Ekesode 19:20

Maweja-Nangila kutuluka ku lusongu lua mukuna wa Sinayi, kubikila Moshe. Awu pende kuitaba, kubanda pa mukuna.

Ekesode 19:24

Nanku, Maweja-Nangila kuandamuna ne: — Tuluka, uye kukeba muanenu Arone mu mitanda. Nubande nende. Kadi batuangaji ne bantu bonsu kababandi ku mukuna kundi to. Tshianana ndi mua kubashipa.

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Ekesode 20:21

Bantu bonsu bavua bimanyine pa bule. Anu Moshe nkayende ke uvua musemene pabuipi ne divuba difike, muaba uvua Mvidi Mukulu.

Ekesode 24:15

Moshe kubanda ku mukuna. Mukuna awu uvua mubuikile kudi divuba.

Ekesode 24:2

Anu wewe nkayebe usemena pabuipi nanyi. Bena Izrayele bonsu kabena mua kubanda ku mukuna eku to.

Ekesode 24:9

Pashishe, Moshe, Arone, Nadabe, Abihu ne bakulu ba bena Izrayele makumi muanda mutekete kubanda ku mukuna.

Ekesode 28:1

“Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Ekesode 3:5

Mvidi Mukulu kumuambila ne: — Kusemenyi pabuipi to. Kopola bisabata biebe, bualu udi muimane muaba wa tshijila.

Ekesode 34:2

Udilongolole, malaba dinda, ubande ku lusongu lua mukuna wa Sinayi, ungindileku.

Ekesode 6:23

Arone uvua musele Elisheba muana wa Aminadabe. Elisheba awu uvua muanabu ne Nashone. Elisheba kulela bana ba balume banayi: Nadabe, Abiku, Elazare ne Itamare.

Yezekiyele 8:11

Bakulu makumi muanda mutekete ba bena Izrayele bavua bimane kumpala kua bimfuanyi abi. Ku bakulu aba, kuvua Yazaniya, muana wa Shafane. Mukulu yonsu uvua mukuate ku tshianza mbabula wa kuoshila manananshi. Muinshi wa musenga wa kamonya uvua ubanda mulu.

Dibadika 11:16

Maweja-Nangila kuambila Moshe ne: — Unsunguile bakulu ba bena Izrayele makumi muanda mutekete, bantu baudi mujadike ne: mbakulu ba bushuwa, balombodi ba bena Izrayele. Ufike nabu ku ntenta wa kusambakena. Wimane nabu kumpala kuanyi.

Luke 10:1

Ke Mfumu kusungula balongi bakuabu makumi muanda mutekete ne babidi. Uvua ubatuma babidi babidi, bua badianjile kumpala kuende mu bimenga bionsu, ne miaba mikuabu yonsu, bivuaye ne bua kuya.

Luke 10:17

Balongi makumi muanda mutekete ne babidi kupingana kudi Yezu ne disanka divule, bamba ne: — Mfumu, nansha mikishi mibi mene ivua itumikila diyi dietu, patuvua tuyitumina diyi mu dina diebe!

Dielulula 1:15

Nanku bua kunulombola, mvua mubikidishe bantu bashindame, ba lumu luimpe, bavua bamane kuikala ne midimu mikuabu mu bisamba bienu. Meme kuteka bua bikale bamfumu, banulombola mu bisumbu bia bantu tshinunu, lukama nansha makumi atanu, too ne ku bia bantu dikumi. Meme kuteka bena Izrayele bakuabu ku mudimu wa kuludika bantu ku tshisamba tshienu tshionsu.