Ekesode 23:3 - MUKANDA WA MYIDI MUKULU

³ Kanubingishi mupele mu dikosa dia tshilumbu, padiye kayi wamba bulelela.

Mukanda wa Nzambi Dihungila Dikulukulu ne Dihungila Dihia-dihia 2003

³ Kueyemenyi buhele bua muntu muhele mu dikosa dia tshilumbu tshiandi.

Ekesode 23:3 ပူးပေါင်းရင်းမြစ်များ

Ekesode 23:6

“Kanupishi muntu nansha yeye muena dikenga ku dikosa dia tshilumbu kumpala kua bandumbulula padiye wamba bulelela.

Nsumuinu 18:5

Kubingishi muena tshibawu, kupishi muntu muakane.

Nsumuinu 22:22

Kunyengi mupele bintu, bua padiye kayi ne bukole. Kupishi muntu ku tshilumbuluilu, udi kayi ne mumulumbuluidi.

Yeshaya 10:1

Nudi bena diakabi, bualu nudi nuela mikenji idi kayiyi miakane, ne meyi adi akengesha bantu banyi.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Amosa 5:12

“Meme Maweja-Nangila, ndi mumanye malu mabi onsu anuvua benze. Ndi muvuluke buenzayi buenu bua dikema. Nudi nuluisha udi kayi ne bualu, nuanyisha mabuejila. Ku kabadi, nudi nubenga bua bandumbulula bakose nsambu ya bapele pa yoyi.”

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.