Ekesode 23:2 - MUKANDA WA MYIDI MUKULU

² Kanulondi bibidilu bia bena buenzayi, nansha bobu ba bungi. Kanuitabi meyi a bantu badi bajadika bualu bua dishima, nansha bobu ba bungi.

Mukanda wa Nzambi Dihungila Dikulukulu ne Dihungila Dihia-dihia 2003

² Kulondi ku nyima kua tshisumbu tshia bantu tshinene bua kuenza malu mabi, kuikadi bu mu manyi wa bualu munkatshi mua bantu badi basangisha dî diabo bua kudibingisha mu tshilumbu tshidi ka tshiyi tshilelela.

Ekesode 23:2 ပူးပေါင်းရင်းမြစ်များ

Genese 19:4

Bantu kabayi banji kulala, bantu balume bonsu ba mu musoku, bakulumpe ne bansongalume kunyungulula nzubu wa Lote.

Genese 6:12

Miaba yonsu iwaye utangila uvua umona amu muvua bantu banyanguke ne buenzayi.

Genese 7:1

Maweja-Nangila kuambila Nowa ne: “Buela mu buatu ne diku diebe dionsu, bualu anu wewe ke muntu muakane munkatshi mua bantu ba tshikondu etshi.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

Yobe 31:34

Tshivua ne bowa bua kudileja patoke mu bantu nansha. Tshivua mutshine kapeja kabu. Tshivua mushale mupuwa ne bowa nansha.

Misambu 72:2

Alombole bantu bende, kayi ne kansungasunga. Ambuluishe badibu bakengesha kapayi bualu.

Nsumuinu 1:15

Muananyi, kuendakanyi ne bantu ba mushindu ewu to. Umbuka mu njila yabu.

Nsumuinu 18:5

Kubingishi muena tshibawu, kupishi muntu muakane.

Nsumuinu 4:14

Kuidikiji malu mabi adi bantu benza. Kulondi njila ya benji ba malu mabi.

Yirmeya 37:15

Bobu abu kufikila Yirmeya munda, kumutuutabu. Pashishe kumukangilabu mu nzubu wa Yonatane, mufundi wa mikanda ya mu bukalenga. Nzubu wende bavua bamuenze nzubu wa bena lukanu.

Yirmeya 37:21

Nanku, mukalenga Sedekiya kuela mukenji bua balame Yirmeya mu lupangu lua bena mvita balami ba mukalenga, kabidi bua bamupeshe ku dituku diampa dia tshijengu divuabu balamba mu musesu wa Boshi ba mampa, too ne ku diba didibu kabayi mua kupeta kabidi diampa! Ke muvua Yirmeya mushale mu lupangu lua bena mvita balami ba mukalenga nanku.

Yirmeya 38:9

— Mukalenga, bantu aba mbenze bualu bubi, mbele muambi Yirmeya mu tshiina tshia mayi! Neafuemu ne nzala. Kabidi mu tshimenga kamuena diampa nansha dimue.

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Agayi 1:4

Panudi nuenu basombe mu nzubu yenu milengeja bimpe, wanyi meme munyanguke, nudi nuenza bimpe anyi?

Marke 15:15

Pilate uvua musue kusankisha bantu pa kubapatuila Barabase mu lukanu. Pashishe, yeye mumane kukumisha Yezu mikaba, kumufilaye bua bamupopele pa mutshi mutshiamakane.

Bienzedi 24:27

Kupita bidimu bibidi, Porsiyuse Festuse kupingana Felikse mu bulombodi bua ditunga. Kadi bu muvua Felikse musue kusankisha bena Yuda, ki mmupatule Polu mu lukanu nansha.

Bienzedi 25:9

Bua kusankisha bena Yuda, Festuse kuebeja Polu ne: — Udi musue tuye kukulumbuluisha mu Yerushalayime anyi?

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.

1 Samuele 15:9

Shawule ne bena mvita bende bavua bashiye Agage ne muoyi, bashiya kabidi nyama mimpe yonsu ivuabu basungule ku bimuna: ngombe, mikoku, nyama ivua ne mafuta, ne bana ba mikoku. Bavua bashipa amu nyama mibi ivua kayiyi ne diambuluisha to.