Ekesode 20:4 - MUKANDA WA MYIDI MUKULU

⁴ “Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kudisongedi luhingu anyi tshifuanyikishi tshia tshintu tshia mu diulu anyi tshia tshintu tshia hanshi ha buloba anyi tshia tshintu tshia mu mai adi muinshi mua buloba.

Ekesode 20:4 ပူးပေါင်းရင်းမြစ်များ

1 Bakalenga 12:28

Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

2 Bakalenga 17:12

Nanku, bena Izrayele kabavua banemeka diyi dia Maweja-Nangila to, bualu bavua anu batendelela mvidie iwaye mubakandike.

2 Kulondolola 33:7

Uvua muenze kabidi lupingu lukuabu, muluteke mu nzubu wa Mvidi Mukulu bua kuntendelela. Kadi, Mvidi Mukulu uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bia mu buloba bua bena Izrayele, ke muaba undi nsomba kashidi munkatshi mua bantu.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Misambu 97:7

Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Ekesode 20:23

Kanuenji mpingu ya mvidie, mifula ne biamu bitoke bia mushinga mukole nansha ne mpawungi. Kanuenji mvidie inudi nutendelela pamue nanyi!

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Ekesode 32:23

Bobu nkayabu bavua bandomba ne: “Utuenzele mvidie, afilele kumpala kuetu. Bualu muntu ewu Moshe uvua mutupatule mu Ejipitu, katuena bamanye tshidi tshimuenzekela to!”

Ekesode 32:4

Pashishe, Arone kuangata tukanu atu, kutuengululaye muiku, kututuaye mu tshinu, kuenzaye lupingu lua kana ka ngombe, ka tshiamu tshia mpawungi. Bena Izrayele kuamba ne: — Ke mvidie wetu uvua mutupatule mu Ejipitu ewu!

Ekesode 32:8

Kabena bitabe tshimvua mubambile. Mbenze lupingu lua kana ka ngombe lua tshiamu tshia mpawungi. Badi balutuila binu, badiambula milambu, bamba ne: “Ke mvidie wetu uvua mutupatule mu Ejipitu ewu.”

Ekesode 34:17

“Kanuenji mvidie ya tshiamu bua kuyitendelela.

Yeshaya 42:17

Kadi bonsu badi batekemena kudi mvidie, badi batekemena mpingu ivuabu basonge, bayibikila ne: “Nudi mvidie yetu”, bafue bundu, banyeme lubilu.

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Yeshaya 45:16

Kadi mona benji ba mpingu: nebafue bundu, nebende bonsu biname mpala panshi, bu bantu bavuabu badinga.

Yezekiyele 20:7

Meme kubela mikenji ne: muntu yonsu wa kunudi abenge mvidie ya dishima inudi nutendelela, bua kanupi mikiya pa kukukuila mvidie ya bena Ejipitu. Meme ndi Maweja-Nangila Mvidi Mukulu wenu.

Yezekiyele 8:10

Meme kubuelela mu tshimana, kumona nseke yonsu muvua bantu bazole bimfuanyi bia bilandadi ne bia nyama mibi mikuabu ku bimana. Bavua bazolepu mpala ya mvidie yonsu idi bena Izrayele batendelela.

Yezekiyele 8:3

Tshintu atshi kuolola tshintu bu tshianza, kunkuata ku nsuki. Nanku, pavua Mvidi Mukulu undeja bionsu ebi, meme kumvua Mueyelu wende ungambula mulu mu kapepe, kuya kuntuluila mu Yerushalayime. Uvua muntuluile munda mua tshimenga, pabuipi ne tshiibi tshia tshimenga tshidi luseke lua ku mutu, muaba uvuabu bateke kabidi lupingu ludi lufikisha Mvidi Mukulu munda.

Lewitiki 19:4

“Kanuena mua kutendelela mvidie ya dishima to. Kanuena mua kuengulula biamu bua kufula mpingu, kuyitendelela. Bualu Meme ndi Maweja-Nangila Mvidi Mukulu wenu.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Dibadika 12:8

Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Bienzedi 17:29

Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu.

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Dielulula 16:22

Kanuena mua kuimanyika dibue dia kutendelela mvidie muaba awu to. Bualu Maweja-Nangila kena musue bintu bia mushindu awu to.

Dielulula 27:15

“Muntu yonsu udi wenza lupingu lua mvidie, nansha lua dibue, lua mutshi, nansha lua tshiamu, kutendelela mu musokoku, mmuena diakabi. Bualu Maweja-Nangila Mvidi Mukulu wenu kena musue bintu bia mushindu ewu, bienza kudi bantu. Muntu ewu asangane muena tshibawu kuenza anyi?” Bena Izrayele nebandamune bonsu ne: “Enze!”

Dielulula 5:8

“Kanusongi lupingu, kanuzodi tshimfuanyi tshidi tshileja tshintu tshidi mu diulu, pa buloba, nansha mu mayi adi muinshi mua buloba.

Didimanyisha 16:2

Mutumibue wa kumpala kuya kuitshikija dikopu diende pa buloba. Ke mubidi wa bantu bonsu bavuabu batue tshitampi tshia nyama, bakukuile tshimfuanyi tshiende, kupandika mputa mibi, ibasamisha bikole.

Didimanyisha 9:20

Kadi bantu bavua bashala ne muoyi, bonsu bavua bipupu ebi kabiyi bibutula, kabavua badilengeja to. Batshivua batendelela nwidie ivuabu badienzela. Batshivua bakukuila mikishi mibi, kabidi ne nwidie mienza ne mpawungi, ne tshiamu tshitoke tshia mushinga mukole, ne tshiamu tshikunze, ne mabue, kabidi ne mitshi. Ke nwidie idi kayiyi mua kumona, kayiyi yumvua, kayiyi yenda.

Balombodi 17:3

Mika kupingajila mamuende nkanu ayi tshinunu ne lukama. Mamuende kumuambila ne: — Ndi mumane kujadika bua kujidila nkanu eyi, ishale mu dina dia Maweja-Nangila, bua mutshipu kaukukuatshi wewe muananyi. Nkanu eyi neyikuambuluishe bua kuenza lupingu lua tshiamu tshienguluke. Nanku ndi nkupesha nkanu eyi mpindiewu.