Ekesode 20:2 - MUKANDA WA MYIDI MUKULU

² — Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Mukanda wa Nzambi Dihungila Dikulukulu ne Dihungila Dihia-dihia 2003

² Ndi bianyi Yehowa, Nzambi webe, wakakuhatula mu buloba bua Ejipitu, mu nsubu wa buhika.

Ekesode 20:2 ပူးပေါင်းရင်းမြစ်များ

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

2 Bakalenga 17:12

Nanku, bena Izrayele kabavua banemeka diyi dia Maweja-Nangila to, bualu bavua anu batendelela mvidie iwaye mubakandike.

2 Bakalenga 17:7

Bena Izrayele bavua babuele mu dikenga, bualu bavua batombokela Maweja-Nangila Mvidi Mukulu wabu, uvua mubasungidile mu bianza bia mukalenga wa bena Ejipitu, mubapatule mu ditunga edi. Bualu bena Izrayele bavua batendelela mvidie mikuabu,

2 Kulondolola 28:5

Maweja-Nangila Mvidi Mukulu wende, kufila Akaze mu bianza bia mukalenga wa bena Arame. Bena Arame kumuluisha, kukuata bantu ba bungi mu lukanu, kuya nabu mu tshimenga tshia Damase. Akaze uvua mubuele kabidi mu bianza bia Peka, mukalenga wa bena Izrayele, muana wa Remaliya. Awu kumutshimuna, kumukengesha bikole.

Misambu 50:7

— Tshisamba tshianyi, teleja, ndi nkuambila bualu. Izrayele, meme Mvidi Mukulu, Mvidi Mukulu webe, ndi nkufunda ku tshilumbu.

Misambu 81:10

Kanuena mua kuikala ne mvidie mukuabu munkatshi muenu! Kanutendeledi mvidie ya bena bisamba bikuabu.

Misambu 81:11

Bualu meme ke Maweja-Nangila, Mvidi Mukulu wenu, uvua munupatule mu Ejipitu. Bulula mukana bikole, nemmuwuje tente.

Misambu 81:7

Ndi mukumbushe bujitu buvua pa makaya ebe, bianza biebe mbilekela tshisaka tshia bujitu.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 15:13

Wewe kupikula bantu bebe! Wewe kubananga, kubalombola ne bukole! Wewe kubafikisha mu ditunga dia tshijila!

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ekesode 20:1

Mvidi Mukulu kuakula, wamba ne:

Ekesode 29:46

Bena Izrayele nebajadike ne meme ndi Maweja-Nangila Mvidi Mukulu udi mubapatule mu ditunga dia Ejipitu bua meme kusomba munkatshi muabu. “Ndi Maweja-Nangila Mvidi Mukulu wabu.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Yirmeya 16:14

Maweja-Nangila udi wamba ne: dituku nedikumbane, didibu kabayi baditshipa bamba ne: “Ndi nditshipa mu dina dia Maweja-Nangila udi ne muoyi, udi mupatule bena Izrayele mu bupika!”

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Yirmeya 34:13

— Maweja-Nangila Mvidi Mukulu wa Izrayele udi unuambila ne: “Meme kabidi mvua mutue ndondu ne bankambua benu pavuabu mu Ejipitu. Meme kubapatulamu.

Yezekiyele 20:19

Meme ndi Maweja-Nangila Mvidi Mukulu wenu. Nulonde mikenji yanyi. Nukumbaje meyi anyi.

Yezekiyele 20:5

Ubavuluije miaku indi meme Maweja-Nangila Mvidi Mukulu mbambila ne: “Tshikondu tshimvua musungule bena Izrayele, mvua mutue nabu bonsu ndondu, muditshipe. Mvua mudileje kudibu mu Ejipitu. Mvua mubalaye bua kuikala Maweja-Nangila Mvidi Mukulu wabu.

Yezekiyele 20:7

Meme kubela mikenji ne: muntu yonsu wa kunudi abenge mvidie ya dishima inudi nutendelela, bua kanupi mikiya pa kukukuila mvidie ya bena Ejipitu. Meme ndi Maweja-Nangila Mvidi Mukulu wenu.

Osheya 12:10

Meme Maweja-Nangila, ndi Mvidi Mukulu wenu, biangatshile mu Ejipitu. Ndi musue nusombe tshiakabidi mu ntenta, bu tshikondu tshimvua basambakene nenu mu tshipela.

Osheya 13:4

Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.

Lewitiki 11:45

Meme ndi Maweja-Nangila, udi munupatule mu ditunga dia Ejipitu, bua ngikale Mvidi Mukulu wenu. Nuenu nuikale bantu ba tshijila, bu mundi meme wa tshijila.”

Lewitiki 19:36

Kadi nuikale ne bipimu bia bushuwa bua buwudi, bujitu ne bule. Meme ndi Maweja-Nangila Mvidi Mukulu wenu, uvua munupatule mu Ejipitu.

Lewitiki 23:43

bua ndelanganyi yenu ijadike ne mvua munupatule mu ditunga dia Ejipitu, kabidi mvua munuladike mu tuzubu tua bisasa. Bualu meme ndi Maweja-Nangila Mvidi Mukulu wenu.”

Lewitiki 25:38

Meme ke uvua munupatule mu ditunga dia Ejipitu, munufikishe mu ditunga dia Kenaane, bua ngikale Maweja-Nangila Mvidi Mukulu wenu.

Lewitiki 25:42

Nenku kabena mua kupana bena Izrayele, bu mudibu bapana bapika to. Bualu mbantu banyi, bamvua mupatule mu ditunga dia Ejipitu.

Lewitiki 25:55

“Eyowa, bena Izrayele mbantu banyi, bamvua mupatule mu ditunga dia Ejipitu, bua meme kuikala Maweja-Nangila Mvidi Mukulu wabu.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Lewitiki 26:13

Meme ndi Maweja-Nangila Mvidi Mukulu wenu, uvua munupatule ku bupika mu ditunga dia Ejipitu. Meme kukosa nkanu ya bupika buenu, bua numone mua kuenda ntunku.

Amosa 2:10

Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Rome 3:29

Tudi mua kuamba ne: Mvidi Mukulu udi amu wa bena Yuda nkayabu anyi? Kena Mvidi Mukulu wa bantu ba bisamba bikuabu kabidi anyi? Bushuwa, udi kabidi Mvidi Mukulu wa bantu ba bisamba bikuabu,

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Dielulula 5:15

Nuenu bena Izrayele mwuluke ne: nuvua ku bupika mu ditunga dia Ejipitu. Meme Maweja-Nangila Mvidi Mukulu wenu kunupatula ku bukole buanyi. Ke pandi nnukandika, bua kanuenji midimu dituku dia Dikisha.

Dielulula 5:6

“Ndi Maweja-Nangila, Mvidi Mukulu wenu, udi munupatule ku bupika mu Ejipitu.

Dielulula 7:8

Kadi Maweja-Nangila mmununange. Mmunukumbajile bionsu bivuaye mulaye bankambua benu. Ke padiye munupatule ku bupika, mununyenge ku bianza bia mukalenga wa bena Ejipitu anu ku bukole buende.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.

Balombodi 6:10

Meme kunuvuluija ne: meme ndi Maweja-Nangila Mvidi Mukulu wenu. Kanuena mua kutendelela mvidie ya bena Amore, bena ditunga dinudi basombe. Kadi kanuena bitabe diyi dianyi to!”