Ekesode 2:6 - MUKANDA WA MYIDI MUKULU

⁶ Muana wa mukalenga ubulula tshisaka, kumonaye muana wa balume udila. Luse kumuenza. Kuambaye ne: — Muana ewu ngua bena Ebrewu!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakatshisulula, wakamona muana, ne muana wakadila Yeye wakafuka muana luse, wakamba ne, Yeye udi muana wa Bena Ebelu.

Ekesode 2:6 ပူးပေါင်းရင်းမြစ်များ

1 Bakalenga 8:50

Ubafuile luse bua malu mabi onsu adibu bakuenzela, ne mudibu bakutombokela. Witabe bua baluishi babu babenzele bimpe.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Misambu 106:46

Kutekaye muoyi wa luse munda mua bantu bonsu, bavua babakuate ku bupika.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 2:5

Ke muana wa bakaji wa mukalenga wa bena Ejipitu kupueka bua kuowa mayi. Bena mudimu bende bakaji bavua bendakana ku muelelu wa mayi aku. Diakamue muana wa bakaji wa mukalenga kumona tshisaka mu malenga, kubikila nsongakaji muena mudimu wende, bua kumuambuilaye tshisaka atshi mu mayi.

Ekesode 2:7

Yayende wa muana kukonka muana wa mukalenga ne: — Udi musue nkubikidile mukaji wa bena Ebrewu udi mua kukuamushila muana ewu dibela anyi?

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Yirmeya 34:9

Muntu yonsu uvua ne bua kupikula bapika bende bena Ebrewu balume nansha bakaji. Muntu kavua mua kuenzeja kabidi muanabu muena Yuda mudimu wa bupika to.

Bienzedi 7:21

Pavuabu bamushiye pende mu tshisuku nanku, muana wa bakaji wa mukalenga wa bena Ejipitu kumuangula, kumukolesha bu muanende mulela.

1 Petro 3:8

Mu tshikosu, bonsu buenu nuikale ne lungenyi lumue, kabidi ne muoyi umue. Nunangangane bu bana ba tatu ne mamu. Nuikale bantu ba muoyi mulenga, badi ne bupuekele munkatshi muabu.