Ekesode 2:3 - MUKANDA WA MYIDI MUKULU

³ Mukaji umona ne tshiena ne mushindu wa kusokoka muana kabidi musangu mule, kumutekaye mu tshisaka tshiluka ne ntupu, tshilaba budimbu. Kutshisokokaye mu malenga avua ku muelelu wa musulu wa Nile.

Mukanda wa Nzambi Dihungila Dikulukulu ne Dihungila Dihia-dihia 2003

³ Hakadiye kayi mua kumusokoka kabidi, wakamuangatshila tshisaka tshia ntuhu, wakatshilaba bitume ne kamonyi, wakatekamu muana, wakatshiteka mu malenge akadi kukala kua musulu.

Ekesode 2:3 ပူးပေါင်းရင်းမြစ်များ

Genese 11:3

Kuambilanganabu ne: “Tuenzayi tushole, tuoshe!” Bavua basa nzubu ne tushole, bibake pamue ne kabudimbu.

Genese 14:10

Mu tshibandabanda tshia Sidime, bavua bumbulemu bina bia bungi bia kabudimbu. Nanku bakalenga babidi, wa Sodome ne wa Ngomore, kudishinda mu bina abi pavuabu banyema mvita. Basatu bavua bashale kunyema batangila ku mukuna.

Genese 6:14

Kadi wewe usonge buatu bua mutshi wa budimbu, ubukosolole tuzubu munda. Ubulabe budimbu munda ne panyima.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Yeshaya 18:2

Ditunga edi, didi dituma mienampala, idi yenda pa musulu wa Nile, mu matu maluka ne ntupu. — Nuenu badi benda lukasa, nuenu badibu batuma, pinganayi kuenu kudi bantu bale ba kafyondu, ba mubidi wengelela. Kuenu kudi tshisamba, tshidibu bakakala miaba yonsu, kuetu kunu too ne ku nshikidilu kua buloba. Nuenu nudi tshisamba tshidi ne bukole bupite, tshidi tshibutula baluishi batshi. Nanku pinganayi kuenu ne mukenji wenu, mu ditunga dienu didi ne misulu ya bungi.

Yeshaya 19:6

Mayi a mu misapa ya misulu adi enda anyanguka, anunka bibi. Mu misapa ya mu misulu ya mu Ejipitu, mayi neakepe, too ne muafikawu ku diuma. Mionji ya ntupu ne ya mukele neifubidile,

Yeshaya 35:7

Lusenga luvua luosha, neluandamuke dijiba. Ditunga divua kadiyi ne mayi, nediandamuke mpokolu wa mayi. Miaba ivua mibuabua ilala, malenge ne nshiba nebitolokemu.

Matayi 2:13

Bena meji bamane kumuka, ke mutumibue wa Maweja-Nangila kumuenekela Yozefe mu tshilota, umuambila ne: — Juka, angata muana ne mamuende, uye kusokomena nabu mu Ejipitu. Ushalemu too ne pangakuambila bua wewe kupingana. Bualu Erode neakebe muana bua kumushipa.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Bienzedi 7:19

Mukalenga awu kudinga bana betu, kukengesha bankambua, kubenzeja ku bukole bua bashiye bana babu batekete mu tshisuku, bafue.