Ekesode 2:23 - MUKANDA WA MYIDI MUKULU

²³ Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Hakalela matuku a bungi, mukelenge wa Ejipitu wakafua Bena Isalele bakafua mikemu bualu bua buhika, bakadila, muadi wabo wakafika kudi Nzambi bualu bua buhika buabo.

Ekesode 2:23 ပူးပေါင်းရင်းမြစ်များ

Genese 16:11

Mpindiewu udi ne difu. Neulele muana wa balume. Umuinyike Ismayele. Bualu Maweja-Nangila mmumane kumvua muadi wa dikenga diebe.

Genese 4:10

Maweja-Nangila kuebeja ne: — Udi muenze nanku bua tshinyi? Muadi wa mashi a muanenu wafiki kundi ufumina pa buloba.

Nehemya 9:9

Wewe kutangila bankambua betu, kumona muvuabu babakengesha mu Ejipitu. Wewe kumvua muvuabu bela mbila ku muelelu wa Mayi manene makunze, bakusengelela bua ubambuluishe.

Yobe 35:9

Padi bena tshikisu babakengesha bikole, bantu badi batua mikemu. Badi bela mbila bua bantu babambuluishe.

Misambu 102:1

Muena dikenga udi utendelela Mvidi Mukulu, umudidila muadi.

Misambu 102:2

Maweja-Nangila, teleja mundi nkutendelela, anyisha lubila luanyi.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Misambu 18:6

Kandondu ka bafue kavua kasue kuya nanyi, buteyi buaku bukeba kumbakula.

Ekesode 1:14

Bena Izrayele kusopa buloba kuenza madiotu, kudimina bena Ejipitu madimi. Mu tshikosu, bena Ejipitu kubenzeja midimu ya mishindu yonsu ne tshikisu.

Ekesode 4:19

Anu mu Madiyane amu, Maweja-Nangila kuambila Moshe ne: — Eyowa, pingana mu Ejipitu, bualu bantu bonsu bavua bakuelela meji mabi mbamane kufua.

Ekesode 6:5

Mpindiewu ndi mumvue miadi ya bena Izrayele badibu bakuate mu bupika kudi bena Ejipitu. Ke pandi muvuluke ndondu umvua mutue nabu.

Ekesode 6:9

Moshe kuambila bena Izrayele malu awu. Kadi kabavua bamuitaba to, bualu bavua ne kanyinganyinga bua dikenga divuabu nadi mu bupika.

Ekesode 7:7

Pavua Moshe ne Arone baya kuyukila ne mukalenga wa bena Ejipitu, Moshe uvua ne bidimu makumi muanda mukulu, Arone ne bidimu makumi muanda mukulu ne bisatu.

Yeshaya 19:20

Ebi nebileje mudi Maweja-Nangila muena bukole buonsu usomba mu ditunga dia Ejipitu. Padibu bakengesha bena Ejipitu, bobu bela mbila kudi Maweja-Nangila, Mvidi Mukulu neabatumine mubapandishi, udi mua kubalumbuluila, ne kubasungidila.

Yeshaya 5:7

Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Dibadika 20:16

Pashishe tuetu kutendelela Maweja-Nangila. Kututelejaye, kututuminaye mutumibue wende bua kutupatula mu Ejipitu. Mpindiewu tudi mu Kadeshe, tshimenga tshidi ku mikalu ya ditunga diebe.

Bienzedi 7:30

Bidimu makumi anayi bimane kupita, mutumibue wa Mvidi Mukulu kumuenekela Moshe mu tshipuka tshitema kapia, mu tshipela tshivua pabuipi ne mukuna wa Sinayi.

Dielulula 24:15

Nufute difutu diende matuku onsu, diba kadiyi dianji kubuela to. Bualu mmupete, kabidi mmutekemene amu ku difutu adi. Nuenu kanuyi bamufute, yeye mudidile Maweja-Nangila, nenuikale bena tshibawu.

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

1 Samuele 12:8

Yakobe ne bena diende bonsu bamane kuya mu Ejipitu, bankambua benu kukenga bikole. Kubikilabu Maweja bua abambuluishe. Maweja-Nangila kutuma Moshe ne Arone bua kupatula bena Izrayele mu Ejipitu, ne bua kubafila mu ditunga ditudi edi.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”