Ekesode 2:14 - MUKANDA WA MYIDI MUKULU

¹⁴ Awu kuandamuna Moshe ne: — Nganyi udi mukuteke bua kutubela ne kutulumbuluisha? Udi musue kunshipa bu muuvua mushipe muena Ejipitu anyi? Moshe kumvua buowa, kudiambila ne: “Bualu ebu bakadi babumanye!”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakamba ne, Wakukuteka mukelenge wetu ne mulumbuluishi wetu nganyi? Udi ukeba kunshiha bu muwakushiha Muena Ejipitu, anyi? Mose wakatshina, wakamba ne, Bulelela, bualu ebu buakumanyibua.

Ekesode 2:14 ပူးပေါင်းရင်းမြစ်များ

Genese 13:8

Abrame kuambila Lote ne: — Katuena mua kutandangana nebe to. Bena mudimu bebe ne banyi kabena mua kutandangana to, bualu tudi bantu bamue.

Genese 19:9

Kadi bena ditunga kukanyina Lote, bamba ne: — Umuke apa. Wewe kabidi udi anu muenyi mu ditunga dietu. Muukadi ututumina diyi mbishi? Umanye ne: netukuenzele bibi bipite bia bantu aba. Kusakilabu Lote bikole, kusemenabu pabuipi ne nzubu bua kutula tshiibi.

Genese 34:27

Bana bakuabu ba Yakobe, kupawulabu bintu bionsu bivua pa bitalu nansha mu tshimenga! Bualu nsongalume wa mu tshimenga atshi uvua mubafuishe bundu, mubuelele muanabu wa bakaji mu nzubu ku bukole.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Nsumuinu 29:25

Udi utshina bantu udi uditeya nkayende. Kadi muntu udi uditeka mu bianza bia Maweja-Nangila udi usomba talalaa.

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 16:3

Bantu aba bonsu, kutombokela Moshe ne Arone, kubambila ne: — Nudi nukolesha malu! Tuetu bena Izrayele bonsu tudi bantu ba tshijila. Maweja-Nangila udi munkathi muetu bonsu. Munudi nuditemba, nuditeka kumpala kua bantu bakuabu ba Maweja-Nangila mbishi?

Matayi 21:23

Yezu kubuela mu nzubu wa Mvidi Mukulu. Pavuaye mutuadije kulongesha, bamfumu ba batuangaji, ne bakulu ba bena Yuda, kusemena kudiye, bamukonka ne: — Malu audi wenza aa, udi muenze ne bumfumu kaayi? Udi mukupeshe bumfumu ebu nnganyi?

Luke 12:14

Ke Yezu kumuandamuna ne: — Muntu, udi munteke munukosedi wa nsambu, ne muabanyinyi wa biuma bienu nnganyi?

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Bienzedi 7:35

Bena Izrayele bavua babenga Moshe, bamuamba ne: “Udi mukuteke mfumu ne mukoshi wa nsambu yetu nnganyi?” Kadi yeye Moshe, ke muntu uvua Mvidi Mukulu mutume, bua alombole bantu bende, abapikule ku diambuluisha dia mutumibue wende, uvua mumumuenekele mu tshipuka.

Ebrewu 11:27

Amu bua ditaba, Moshe kumuka ku Ejipitu kayi utshina tshiji tshia mukalenga. Utata ne muoyi mukole, bu muntu udi umona Mvidi Mukulu udi kayi umueneka.