Ekesode 19:6 - MUKANDA WA MYIDI MUKULU

⁶ Kadi tshisamba tshienu netshikale tshia batuangaji, bantu bajidila, badi bangenzela mudimu.” Wambile bena Izrayele bonsu malu andi nkuambila aa.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nuenu nenuikale kundi bu bukelenge bua bakuidi, bu tshisamba tshia tshijila. Â mei audi mua kuambila Bena Isalele.

Ekesode 19:6 ပူးပေါင်းရင်းမြစ်များ

1 Bakalenga 3:8

Mpindiewu nkaadi mulombodi wa bena Izrayele bauvua musungule. Bena Izrayele mbapite bungi, kabayi mua kubala to.

1 Bakalenga 8:53

Bualu wewe ke uvua mutusungule munkatshi mua bisamba bionsu, bua tuikale bantu bebe, bu muuvua mumane kuambila Moshe, muntu webe, tshikondu tshiuvua mupatule bankambua betu mu bupika mu Ejipitu.”

1 Kulondolola 17:22

Wewe kuangata bena Izrayele bua bashale tshisamba tshiebe kashidi. Ke wewe kushala Mvidi Mukulu watshi.

Misambu 114:2

Yuda kushala muaba wa tshijila wa Maweja-Nangila, Izrayele kushala buloba buende.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ekesode 28:36

“Pashishe, wenze tshitata tshia tshiamu tshia mpawungi tshifuanangane ne tshilongu. Ufundepu bu tshitampi ne: ‘Wa tshijila wa Maweja-Nangila.

Yeshaya 43:4

Bualu udi ne mushinga ku mesu anyi. Kakuena mukuabu, amu wewe! Meme ndi mukunange. Nenku, ndi mfila bantu bakuabu pa mutu pebe. Bisamba bikuabu nembishintakaje nebe.

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yeshaya 62:12

Nebanuinyike ne: “Ke bantu ba tshijila, ke bantu bavua Maweja-Nangila mupikule.” Wewe Yerushalayime, kabena bakuinyika kabidi ne: “Tshimenga tshidi Mvidi Mukulu ubenga.” Kadi nebakuinyike ne: “Tshimenga tshidiye unanga.”

Yeshaya 66:21

Maweja-Nangila udi wamba ne: nensungule kabidi munkatshi mua matunga a bende aa, batuangaji banyi ne bena Levi babambuluishi.

Yirmeya 13:11

Mudi muntu usuika mukaba mu tshimonu tshiende, ke mumvua meme Maweja-Nangila mudisuike ku bukalenga bua Yuda ne bua bena Izrayele. Mvua muteke lumu luanyi mu bianza biabu, bua bikale bantu banyi, bua batumbishe dina dianyi, bampeteshe lumu, bua meme kuditemba nalu. Kadi kabavua banteleja to.”

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Lewitiki 19:2

bua amanyishe bisamba bia bena Izrayele bionsu ne: “Nudi ne bua kuikala bantu ba tshijila, bualu meme Maweja-Nangila Mvidi Mukulu wenu ndi wa tshijila.

Lewitiki 20:24

Ke pandi nnulaya ne: Nenupete buloba buabu ebu, ditunga didi mabele ne buitshi. Meme Maweja-Nangila ndi nnupeshadi.’ Bualu ndi Maweja-Nangila Mvidi Mukulu wenu, udi munusungule munkatshi mua bisamba bikuabu.

Lewitiki 20:26

“Nuikale bantu ba tshijila, badi bajidila mua kungenzela mudimu, bualu meme Maweja-Nangila ndi wa tshijila. Ndi munusungule munkatshi mua bisamba bikuabu, bua nuikale bantu banyi meme.

Lewitiki 21:23

Kadi bualu bua bulema buende, kena mua kusemena pabuipi ne tshilamba tshidi tshilembeleja muaba wa tshijila, nansha kutantshila pabuipi ne tshilambuilu, bualu udi mua kunyanga muaba wanyi wa tshijila. Meme ndi Maweja-Nangila udi ujidila batuangaji.”

Amosa 3:2

“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Agayi 2:5

Panuvua bapatuke mu Ejipitu, mvua munulaye bua kuikala munkatshi muenu. Kanutshinyi to.

Dibadika 16:3

Bantu aba bonsu, kutombokela Moshe ne Arone, kubambila ne: — Nudi nukolesha malu! Tuetu bena Izrayele bonsu tudi bantu ba tshijila. Maweja-Nangila udi munkathi muetu bonsu. Munudi nuditemba, nuditeka kumpala kua bantu bakuabu ba Maweja-Nangila mbishi?

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

1 Korente 3:17

Nanku padi muntu upula nzubu wa Mvidi Mukulu, Mvidi Mukulu neamupule ne yeye kabidi. Bualu nzubu wa Mvidi Mukulu udi wa tshijila. Nzubu wende awu ke nuenu mene.

Dielulula 14:21

Nuenu bena Izrayele, nudi tshisamba tshisunguluke tshia Maweja-Nangila Mvidi Mukulu wenu. Nanku kanuena mua kudia munyinyi wa nyama midifuile to. Nudi mua kuupesha benyi badi munkatshi muenu, nansha kusumbisha benyi bakuabu. Kanuena mua kulamba munyinyi wa muana wa mbuji, mu mabele a mamuende to.

Dielulula 26:19

Eyowa, ku bisamba bionsu bidi Maweja-Nangila Mvidi Mukulu wenu mufuke, mmusue bua nuenu nuikale babapite ku lumu, ku butumbi ne ku buneme. Mmusue bua nuikale bantu bende, badi bamuenzela mudimu bu muvuaye mumane kunuambila.

Dielulula 28:9

Nuenu bakumbaje mikenji ya Maweja-Nangila Mvidi Mukulu wenu, benze mudiye musue, nenuikale tshisamba tshia bantu bende, bu muvuaye mumane kunulaya.

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

1 Tesalonike 5:27

Mu dina dia Mfumu, ndi nnusengelela ne: nubadile bena ditaba netu bonsu mukanda ewu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 20:6

Bantu bavua bafululuka musangu wa kumpala awu mbena diakalenga, badi Mvidi Mukulu muele lupemba mushindu musunguluke! Lufu luibidi kaluena lubakuata to. Nebakuatshile Mvidi Mukulu ne Kristu mudimu wa butuangaji. Nebadie bukalenga pamue ne Kristu bidimu tshinunu.

Didimanyisha 5:10

Wewe kubateka bakalenga ne batuangaji, bua benzele Mvidi Mukulu wetu mudimu. Nebadie bumfumu pa buloba bujima.”