Ekesode 18:7 - MUKANDA WA MYIDI MUKULU

⁷ Moshe kuya kuakidila tatuende muenu, kutua binu panshi kumupukila. Kuelanganabu muoyi bakoleshangana. Pashishe Moshe kubabueja mu ntenta.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mose wakaya kusangakena ne tatuʼandi-muenu, wakamukukuila, wakatuangana nʼandi mishiku, bakakonkangana bua malu abo, bakabuela mu ntenta.

Ekesode 18:7 ပူးပေါင်းရင်းမြစ်များ

Genese 14:17

Mukalenga wa bena Sodome kuya mu tshibandabanda tshia Shawe (mmumue ne tshia Mukalenga), bua kuakidila Abrame pawaye upingana ku mvita, mumane kutshimuna Kedorlayomere ne bamfumu bonsu bavuaye nabu.

Genese 18:2

Abrahame ukenzakana, kumona bantu balume basatu bimane pabuipi nende. Kujukaye lubilu bua kubakidila. Kuinyikaye mutu panshi.

Genese 19:1

Batumibue babidi kufikamu Sodome dilolu. Kusanganabu Lote musombe ku tshibuelelu tshia tshimenga. Lote ubamona, kujukaye bua kubakidila. Kuinyikaye mutu panshi, wamba ne:

Genese 29:13

Labane mumane kumvua lumu lua difika dia Yakobe, muana wa muanabu wa bakaji, kuyaye lubilu bua kumuakidila. Kumupukilaye, kuya nende ku mbelu. Yakobe kulondela mansebende Labane bionsu bivua bimuenzekele abi.

Genese 31:28

Kuvua nansha musue bua meme kulayangana ne bana banyi ba bakaji, kabidi ne bikulu banyi? Udi muenze anu bu muntu mutatakane.

Genese 43:26

Yozefe ufika ku nzubu kuende, kudielabu panshi kumpala kuende, kumulambula bintu biabu.

Genese 45:15

Yozefe kupukila bana babu bonsu, udila amu kudila. Amu diba adi bobu kukimina kuyukila nende.

Genese 46:29

Yozefe kuangata ditempu diende, kuya mu Ngoshene bua kumonangana ne tatuende. Bamonangana, Yozefe kupukila tatuende, kudila musangu mule, mumuele mu tshitupa.

2 Samuele 11:7

Uriya mumane kufika, Davide kumukonka bua Yowabe, bua bena mvita bonsu, ne bua mushindu uvua mvita mienzeke.

1 Bakalenga 2:19

Ke Batsheba kuya kudi mukalenga Shelomu bua kumuambila bualu bua Adoniya. Mukalenga Shelomu kujuka mu nkuasa wa bukalenga, kusemena kudi mamuende Batsheba, kuinyika mutu bikole. Pashishe kusombaye tshiakabidi mu nkuasa wa bukalenga. Shelomu kulombesha nkuasa wa bukalenga mukuabu. Kumutekabu ku dia balume diende. Mamuende Batsheba kusomba mu nkuasa amu.

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Ekesode 18:6

Yetro kutumina Moshe muntu ne mukenji ne: “Ndi tatuebe muenu. Ndi ne mukajebe ne bana bebe kabidi.”

Ekesode 33:7

Bamane kuasa mitanda, Moshe kumusha nzubu wa ntenta wa tshijila uvua munkatshi mua bantu, kumuasaye ku luseke, mutantshi mule ne muaba uvua bantu basombele. Kumuinyikaye dina ne: “Ntenta wa kusambakena”. Bavua basue kumonangana ne Maweja-Nangila, bavua bumuka mu mitanda yabu, baye mu ntenta ewu bua kuyukila ne Maweja-Nangila.

Ekesode 4:27

Maweja-Nangila kuambila Arone ne: — Uye kumonangana ne muanenu Moshe mu tshipela. Arone kuya, usangana Moshe ku mukuna wa Mvidi Mukulu. Kumupukilaye.

Dibadika 22:36

Balake umvua ne: Balaame ukadi pabuipi, kuyaye kumuakidila mu tshimenga tshia Mowabe tshivua ku mikalu menemene ya ditunga adi, ku musulu wa Amone.

Luke 7:45

Wewe kuena muntue mishiku bua kungakidila. Kadi yeye katshia ngafika kuebe, udi uvua anu mishiku ku makasa anyi.

Bienzedi 20:37

Bonsu kudila miadi, kupukila Polu, bamutua mishiku bua kulayangana nende.

Bienzedi 28:15

Bena ditaba ba mu Rome bavua bamane kumvua lumu lua difika dietu. Kuvuabu too ne ku Tshisalu tshia Apiyuse, ne ku Nzubu isatu ya Tshiala benyi, bua kutuakidila. Amu Polu ubamona, kukolaye muoyi, wela Mvidi Mukulu tuasakidila.

Balombodi 11:34

Pavua Yefete upingana kuende ku Mispa, muanende wa bakaji kupatuka bua kumuakidila. Uvua wenda wimba makasa, uja ne maja. Yefete uvua anu ne muana umue wa bakaji awu. Kavua mulele bakuabu to.

1 Samuele 17:18

Angata kabidi fromaje dikumi eyi, bua kupesha mfumu mulombodi wa bena mvita. Neutangile bana benu, ne badi bimpe. Neuntuadile tshintu tshidi tshinjadikila ne: kakuena bualu to.

1 Samuele 17:22

Davide kushiya bintu bivuaye nabi kudi muntu uvua ulama bintu bionsu. Kuyaye lukasa muaba uvua bena mvita. Kusanganaye bana babu, kubelaye muoyi.