Ekesode 17:8 - MUKANDA WA MYIDI MUKULU

⁸ Bena Amaleke kufika mu Refidime bua kuluisha bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Amaleka wakalua, wakaluangana ne Bena Isalele mu Lefidima.

Ekesode 17:8 ပူးပေါင်းရင်းမြစ်များ

Genese 14:7

Pashishe kupinganabu kabidi ne mvita mu Ene-Mishepate (mmumue ne Kadeshe). Kunyangabu ditunga dijima ne bintu bionsu bia bena Amaleke too ne bia bena Amore bavua basombe mu Ashashone-Tamare.

Genese 36:12

Kadi Timna, mukaji mukuabu uvua Elifaze mubanjije, uvua mulele muana wa balume anu umue: Amaleke. Ke bikulu ba Esawu bavuabu balele kudi Elifaze, muana wa mukajende Ada.

Genese 36:16

Ngatame ne Amaleke. Bana aba ke ndelanganyi ya Elifaze, muanabute wa Esawu, uvuaye mulele ne mukajende Ada. Bobu bavua basombe mu Edome.

Misambu 83:7

Bantu abu, mbena Edome ne bena Ishemayele, bena Mowabe, ne Agare ne bena Ngebale,

Ekesode 17:1

Bu muvua Maweja-Nangila mubambile, bena Izrayele kumuka bonsu pamue mu tshipela tshia Sine, benda bimana mu njila bua kuya mu Refidime. Kuasabu mitanda. Kadi muaba awu kauvua mayi a kunua to.

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dibadika 24:20

Balaame umona bena Amaleke, kubambilaye ne: “Nuenu bena Amaleke, nuvua tshisamba tshipite bikuabu. Kadi nenubutuke bonsu amu mpindiewu.”

Balombodi 6:3

Misangu yonsu ivua bena Izrayele bamane kukuna biakudia mu madimi, bavua bababunda mvita kudi bena Madiyane, bena Amaleke, ne kudi bantu balalakanyi bavua bafuma luseke ludi diba dipatukila.

1 Samuele 14:48

Dituku dikuabu, Shawule kuleja dikima diende. Kutshimunaye bena Amaleke. Ke muvuaye musungidile bena Izrayele mu bianza bia bantu bavua bibe bintu mu ditunga diabu.

1 Samuele 15:2

Maweja-Nangila Mvidi Mukulu wa tshiluilu tshia bena Izrayele udi wamba ne: “Ndi muvuluke bionsu bivua bena Amaleke benzela bena Izrayele, pavuabu bapatuke mu bupika mu Ejipitu. Bena Amaleke bavua bajikila bena Izrayele njila.

1 Samuele 27:8

Patshi wa Davide ne bantu bavuaye nabu mu Siklaje, kuluishabu bisamba ebi: bena Ngeshure, bena Ngirzi nansha bena Amaleke, mmumue ne bantu bonsu bavua basombe muaba awu kuonsu eku, mu buloba bua luseke lua ku Shure, too ne ku mukalu wa ditunga dia Ejipitu.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.