Ekesode 16:3 - MUKANDA WA MYIDI MUKULU

³ bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Mukanda wa Nzambi Dihungila Dikulukulu ne Dihungila Dihia-dihia 2003

³ Bena Isalele bakabambila ne, Biakadi bimpe bua tuetu kufua mu Ejipitu ku tshianza tshia Yehowa hatuakashikama hadi bivuadi bia munyinyi ne hatuakukutshika mafu ne bidia, kadi nuenu nuakuluila nʼetu mu tshihela etshi bualu bua kushiha tshisumbu etshi tshionso ne nzala.

Ekesode 16:3 ပူးပေါင်းရင်းမြစ်များ

Yobe 3:1

Pashishe bionsu abi bimane kuenzeka, Yobe kuakula, utshipa dituku divuabu bamulele,

Yobe 3:10

Bualu kabuvua bukandika bua kabandedi, kabuvua bungambuluisha bua tshimonyi dikenga bunene nenku.

Yobe 3:20

Mvidi Mukulu udi utshishila bena dikenga dituku, bua tshinyi? Bena kanyinganyinga kabena bafue bua tshinyi?

Misambu 107:5

Kukengabu ne nzala ne nyota, kutekeshabu mu maboku.

Misambu 78:19

Kujanabu Mvidi Mukulu badikonka ne: “Mvidi Mukulu udi ne bukole bua kutupesha biakudia mu tshipela anyi?

Misambu 78:25

Kubatuminaye biakudia bikumbane: bantu kudiabu biakudia bia batumibue ba Mvidi Mukulu.

Ekesode 14:11

Kukonkabu Moshe ne: — Uvua mutupatule mu Ejipitu bua tuetu kuluila mu tshipela bua tshinyi? Mu Ejipitu kamuvua nkita anyi? Tshiuvua mutupatuile mu Ejipitu ntshinyi?

Ekesode 17:3

Kadi bu muvua bantu bonsu bapungila ne nyota, bavua anu banungana, bamba ne: — Udi mutupatule mu Ejipitu bua tuetu kufua nyota ne bana betu ne bimuna bietu bua tshinyi?

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Ekesode 5:21

Kuambilabu Moshe ne Arone ne: — Maweja-Nangila mmumone bionsu ebi. Neanunyoke, bualu tuetu katuena kabidi ne mushinga kudi mukalenga wa bena Ejipitu ne kudi bantu bende. Nudi batukebele dikenga ne lulu.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 42:14

Tudi mua kuya kuasa mu Ejipitu mutudi katuyi mua kumona mvita, katuyi mua kumvua miyenga ya miadi, katuyi mua kufua nzala. Ke kutuaya kusomba.

Yirmeya 44:17

Netuenze anu tshitu-vua balaye. Netuambule Astarte, mvidie wetu, Mukalenga mukaji wa diulu, milambu ya manananshi ne ya maluvu a mvinyo. Ke mutuvua benza tuetu, ke muvua kabidi bankambua betu, bakalenga betu ne balombodi betu ba bukalenga benza mu bimenga bia Yuda ne mu misesu ya mu Yerushalayime. Nanku tuvua ne biakudia bungi bukumbane. Bionsu bivua bienda amu bimpe. Katuvua tukenga nansha.

Muadi 4:9

Bivua bipite buimpe kufua ku muele wa mvita, pa mutu pa kufua ku nzala, pa mutu pa kulewuka ku tshiyole.

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

Dibadika 11:20

Nenuudie ngondu mujima. Neunutonde, unupatukila mu diulu. Ke muanunyokabu, bualu nuvua nudiabakena, nujinga Ejipitu, nulengulula Maweja-Nangila udi munkatshi muenu.”

Dibadika 14:2

badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Dibadika 14:3

Maweja-Nangila mmusue kutubueja mu ditunga dia Kenaane bua kutubutula mu mvita anyi? Bakaji betu ne bana nebashale bapika. Mbimpe tupingane mu Ejipitu!

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Bienzedi 26:29

Polu kuandamuna ne: — Nansha tuetu bashale nebe katupa kipi, nansha tshitupa tshile, kadi ndi nsengelela Mvidi Mukulu ne: ne wewe, ne nuenu bonsu badi banteleja lelu, numfuane meme. Kadi kanumfuanyi ku nkanu eyi to!

1 Korente 4:8

Nudi nuela meji ne: nukadi ne bionsu binudi nujinga anyi? Nukadi bena biuma anyi? Nuenu nukadi bakalenga, tuetu tushala bantu ba patupu anyi? Mvua musue bua nuikale bakalenga bushuwa, bua tuetu kabidi tudie nenu bukalenga!

2 Korente 11:1

Eyowa ndi musue bua nungitabe, nunganyishe, nansha meme mudileje mutatakane kakese!

Dielulula 28:67

Panuamona bionsu ebi, nenuikale ne bowa, dinda nenujinge bua butuku buila lukasa, butuku nujinga bua butshia lukasa.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

Yoshua 7:7

Pashishe Yoshuwa kukema bikole, wamba ne: — Akia! Mvidi Mukulu Maweja-Nangila, uvua mutusabuishe musulu wa Yardene bua tshinyi? Uvua mutusabuishe bua kutufila kudi bena Amore bua batushipe anyi? Uvua mua kutulekela dishiya dia Yardene.