Ekesode 15:1 - MUKANDA WA MYIDI MUKULU

¹ Pashishe, Moshe ne bena Izrayele kuimbila Maweja-Nangila musambu, bamba ne: Nengimbile Maweja-Nangila musambu: mmuleje bukole budiye nabu! Mmubutule mu mayi tubalu ne bavua babandapu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mose ne Bena Isalele balambila Yehowa musambu eu, bakamba ne, Nengimbile Yehowa musambu, bualu bua yeye wakatamba bukole ne butumbi buandi. Yeye wakela kabalu ne muntu wakadi wenda ha nyima haku mu bunene bua mai manene.

Ekesode 15:1 ပူးပေါင်းရင်းမြစ်များ

Nehemya 9:11

Uvua nuukosolole mayi manene, bena Izrayele batangile. Bobu kusabuka ku makasa kuume. Kadi bonsu bavua babalonda, Wewe kubela mu mayi. Bobu kudinabu bu dibue diela mu mayi mondoke.

Yobe 36:24

Kadi kupu muoyi bua kumutumbisha bua bionsu bidiye muenze, mudi bantu bonsu bamutumbisha ne misambu.

Misambu 105:43

Bantu bende bavua ne disanka pavuaye mubapatule, bantu bavuaye musungule, bavua bela mbila ya disanka.

Misambu 106:12

Kuitababu tshivua Mvidi Mukulu muambe, kumutumbishabu ne misambu.

Misambu 107:15

Basakidile Maweja-Nangila bua malu ende mimpe, ne bua malu ende a kukema adiye muenzele bantu.

Misambu 107:8

Basakidile Maweja-Nangila bua malu ende mimpe, bua malu ende a kukema adiye muenzele bantu.

Misambu 32:7

Wewe udi muaba undi mua kusokomena. Udi undama mu dikenga. Neumpandishe, nanku nengele mbila ya disanka.

Misambu 76:6

Badi banyenga bintu bia bena mvita ba bukitu, bafuile ku tulu, kabavua ne mushindu wa kudisungila.

Misambu 76:7

Mvidi Mukulu wa Yakobe, pauvua mukanyine nyama ya tubalu, ne badi babandapu, bapangi bukole.

Ekesode 14:26

Maweja-Nangila kuambila Moshe ne: — Olola tshianza pa mayi manene, bua mayi apingane, abutule bena Ejipitu ne tshiluilu tshiabu.

Ekesode 14:27

Moshe kuolola tshianza pa mayi. Patshiatshia mayi kupingana muawu mua kale. Bena Ejipitu kunyema. Kadi Maweja-Nangila kubabutula bonsu munkatshi mua mayi.

Ekesode 15:21

Miriyame kuambila bena Izrayele ne: Imbilayi Maweja-Nangila musambu: mmuleje bukole budiye nabu, mmubutule tubalu ne bavua babandapu!

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Nsumuinu 29:6

Bantu babi badi bapona mu mateyi avuabu bateye. Kadi bantu badi batshina Mvidi Mukulu badi tente ne disanka.

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Yirmeya 51:21

Meme kuzaza nebe nyama ya tubalu, ne bantu badi babandapu. Meme kuboza nebe matempu ne bantu bavua baendesha.

Osheya 2:17

Neandonde mu tshipela ne disanka, bu tshikondu tshivuaye nsongakaji, tshivuaye mupatuke mu Ejipitu. Netupingane nende mu Izrayele. Nemmupingajile mionji yende ya mvinyo. Tshibandabanda tshibi tshia Akore, netshiandamuke tshiibi tshidi tshimuleja ditekemena.

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Dibadika 21:17

Diba adi bena Izrayele kuimba musambu, bamba ne: “Mayi apatuke mu tshiina, tuelele nkashi!

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.