Ekesode 13:5 - MUKANDA WA MYIDI MUKULU

⁵ Panuafika mu ditunga dia bena Kenaane, bena Iti, bena Amore, bena Ivi ne bena Yebusa, divua Maweja-Nangila mulaye bankambua benu, ditunga didi ne biakudia bipite bungi, nuikale nuenza tshibilu etshi, ku tshidimu ku tshidimu, mu ngondu wa Abibe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Halua Yehowa nʼenu mu buloba bua Bena Kanana ne Bena Hiti ne Bena Amole ne Bena Hiwi ne Bena Yebuse buakalayeye batatuʼenu ne, Nennuhebu, buloba budi ne mabele ne buitshi bia bungi, nuenu nuvuluke tshilele etshi mu ngondo eu.

Ekesode 13:5 ပူးပေါင်းရင်းမြစ်များ

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

1 Kulondolola 1:15

bena Ivi, bena Arki, bena Sini,

Ekesode 12:24

Nuenu ne ndelanganyi yenu yonsu nuikale nuenza bualu ebu kashidi.

Ekesode 13:10

Tshibilu etshi, nutshienze ku tshidimu tshionsu, dituku diatshi.

Ekesode 13:11

Moshe kuamba kabidi ne: — Pikala Maweja-Nangila munufikishe mu ditunga dia bena Kenaane, divuaye munulaye nuenu ne bankambua benu,

Ekesode 3:17

Ndi musue kunusungidila mu dikenga edi, kunumusha mu ditunga edi, kunubueja mu ditunga dia bena Kenaane, bena Iti, bena Amore, bena Perizi, bena Ivi ne bena Yebusa, ditunga didi ne mabela ne buitshi bipite bungi.”

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Ekesode 33:1

Pashishe, Maweja-Nangila kuambila Moshe ne: — Umukayi muaba ewu ne bena Izrayele bonsu, bauvua mupatule mu Ejipitu. Ndayi kusomba mu ditunga dimvua mulaye Abrahame, Izake ne Yakobe. Mvua mumane kutshipa bua kubapesha ditunga adi ne ndelanganyi yabu.

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Ekesode 6:8

Nennufile mu ditunga dimvua mulaye Abrahame, Izake ne Yakobe. Ditunga adi nedishale bupianyi buenu. Meme Maweja-Nangila ndi njadika bualu ebu.”

Yirmeya 11:5

Nanku, nenkumbaje dilaya dimvua mulaye bankambua benu dia kubapesha ditunga didi ne mabele ne buitshi. Ditunga edi ke dinudi basombe lelu edi.” Meme kuitaba ne: — Eyowa, Maweja-Nangila.

Yirmeya 32:22

Uvua mulaye bankambua betu, muditshipe ne: nennupeshe ditunga. Ke muaba utudi tusomba lelu. Ditunga edi didi ne mabela ne buitshi, wewe kubapeshadi.

Yezekiyele 20:6

Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Lewitiki 20:24

Ke pandi nnulaya ne: Nenupete buloba buabu ebu, ditunga didi mabele ne buitshi. Meme Maweja-Nangila ndi nnupeshadi.’ Bualu ndi Maweja-Nangila Mvidi Mukulu wenu, udi munusungule munkatshi mua bisamba bikuabu.

Dibadika 11:12

Meme tshiena muimite, tshiena mulele bantu bonsu aba to! Muudi ungambila bua meme kubambula bu mudi ndeji wambula muana pambidi, bua kubafikisha mu ditunga diuvua mulaye bankambua babu, mbishi?

Dibadika 13:27

Kuambilabu Moshe ne: — Tuafiki mu ditunga diuvua mututume. Didi ne biakudia bia bungi, mabele ne buitshi. Bimuma bia mu ditunga adi mbiebi.

Dibadika 14:16

“Maweja-Nangila wapangi mua kufikisha bena Izrayele mu ditunga divuaye mubalaye. Ke padiye mubashipele mu tshipela.”

Dibadika 14:30

Ndi nditshipa ne: kanuakufika mu ditunga dia Kenaane, dimvua munulaye to! Amu Kalebe, muana wa Yefune, ne Yoshuwa, muana wa Nune, nebabuelemu.

Dibadika 32:11

“Bantu bonsu bavua bapatuka mu Ejipitu, badi ne bidimu makumi abidi ne pa mutu, kabena mua kufika mu ditunga dimvua mulaye Abrahame, Izake ne Yakobe to, bualu mbantombokele.

Dielulula 12:29

Panuafika mu ditunga, Maweja-Nangila Mvidi Mukulu wenu neabutule bisamba bionsu bidi mu ditunga adi. Nanku nenubinyenge ditunga adi bua nusombemu.

Dielulula 19:1

Maweja-Nangila Mvidi Mukulu wenu, neashipe bantu ba bisamba bikuabu bua kunupa ditunga diabu. Nenubanyenge bimenga biabu, nusomba mu nzubu yabu.

Dielulula 26:1

Nenufike mu ditunga didi Maweja-Nangila Mvidi Mukulu wenu munupe bua nudikuate. Nuenu bamane kuasamu,

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Yoshua 24:11

Nuenu kusabuka Yardene, kufika mu tshimenga tshia Yeriko. Bena mu Yeriko kunuluisha. Bavua banuluisha kabidi kudi bena Amore, bena Perizi, bena Kenaane, bena Iti, bena Ngirgashi, bena Ivi, ne bena Yebusa. Meme kubafila bonsu mu bianza bienu.