Ekesode 13:3 - MUKANDA WA MYIDI MUKULU

³ Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

³ Mose wakambila bantu ne, Vulukai dituku edi dinuakuhatuka mu Ejipitu, mu nsubu wa lukanu, bualu bua Yehowa wakanuhatula mu muaba eu ne bukole bua tshianza tshiandi, kanudi bidia bidi ne luevene.

Ekesode 13:3 ပူးပေါင်းရင်းမြစ်များ

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

1 Kulondolola 16:12

Nuenu, ndelanganyi ya muntu wende Izrayele, nuenu, bana ba Yakobe, bavuaye musungule, vulukayi bishima bivuaye mukumbaje, vulukayi malu a kukema avuaye muenze, vulukayi nsambu ivuaye mukose.

Nehemya 1:10

Maweja-Nangila, tudi bena mudimu bebe. Tudi bantu bebe! Uvua mutusungidile ku bukole buebe, bualu wewe udi muena bukole buonsu.

Nehemya 9:10

Uvua muenze malu a kukema, bua kunyoka mukalenga wa mu Ejipitu, nebalombodi ba mu bukalenga buende, ne bantu bonsu ba mu ditunga diende. Bualu uvua mumanye muvua bena Ejipitu bakengesha bankambua betu. Ke muuvua mupete lumu lunene. Utshidi nalu ne lelu.

Misambu 105:5

Nuenu ndelanganyi ya Abrahame, muntu wende, nuenu bana ba Yakobe bantu bende basungula! Nuvuluke malu a kukema adiye muenze, mwuluke bishima biende, ne meyi ende avuaye muambe mukana muende.

Misambu 114:1

Diba divua bena Izrayele bapatuke mu Ejipitu, divua ndelanganyi ya Yakobe mishiye tshisamba tshia benyi,

Misambu 136:11

Kupatulaye tshisa tshiende tshia Izrayele mu Ejipitu, bualu dinanga diende ndia kashidi.

Misambu 136:12

Kulejaye bukole buende, bualu dinanga diende ndia kashidi.

Misambu 89:14

Wewe ke udi ne diboku didi ne bukole, dinkomu diebe didi ne bukole, tshianza tshia balume tshidi tshiolola.

Ekesode 12:15

Maweja-Nangila kuamba ne: “Matuku malondangane muanda mutekete, nudie anu mampa kaayi mela buanga. Dituku dia kumpala, numushe manga a mampa onsu adi mu nzubu yenu. Biangatshile ku dituku dia kumpala too ne ku dituku dia muanda mutekete, muntu yonsu udi udia mampa mela buanga, nebamumushe munkatshi mua bena Izrayele.

Ekesode 12:17

“Misangu yonsu mwuluke tshibilu tshia kudia mampa kaayi mela buanga. Bualu tshidi tshinuvuluija dituku dimvua mupatule bantu benu mu Ejipitu. Mukenji ewu nuulame kashidi ku ndelanganyi ne ku ndelanganyi yenu yonsu.

Ekesode 12:19

Matuku muanda mutekete malondangane awu, kanulami buanga bua mampa mu nzubu yenu to. Muntu yonsu udi udia mampa mela buanga, nansha yeye muenyi anyi muena ditunga, nebamumushe munkatshi mua bena Izrayele.

Ekesode 12:2

“Ngondu ewu ikale wenu wa ntuadijilu wa tshidimu.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.

Ekesode 12:42

Bu muvua Maweja-Nangila mutshishe butuku abu bua kupatula bantu bende mu Ejipitu, ke mudi bena Izrayele pabu, ku ndelanganyi ne ndelanganyi, mua kutshisha dituku adi bua kuvuluka dipatuka diabu mu Ejipitu, bualu ndituku dia tshijila.

Ekesode 12:8

Butuku abu nebakange munyinyi awu. Nebaudie ne mampa adi kaayi mela buanga, kabidi ne biseki bia buanji.

Ekesode 13:14

Dituku dikuabu pikala bana benu banukonka tshinudi nuenzela nanku, nubambile ne: “Tudi tuvuluka bukole bua Maweja-Nangila, uvua mutupatule ku bupika mu Ejipitu.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Ekesode 20:8

“Uwluke dituku dia Dikisha, udinemeke, bualu ndia tshijila.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Ekesode 3:20

Nanku neukengeshe bena Ejipitu ne makenga a mishindu yonsu. Pamona mukalenga wabu nanku, neanulekele.

Ekesode 34:18

“Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

Ekesode 6:1

Maweja-Nangila kuambila Moshe ne: — Neudimuene nkayebe mundi ngenzeja mukalenga wa bena Ejipitu ku bukole bua kulekelaye bena Izrayele baye. Nemmuenzeje kabidi ku bukole bua abipate mu ditunga diende.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Yirmeya 34:13

— Maweja-Nangila Mvidi Mukulu wa Izrayele udi unuambila ne: “Meme kabidi mvua mutue ndondu ne bankambua benu pavuabu mu Ejipitu. Meme kubapatulamu.

Danyele 9:15

“Maweja-Nangila Mvidi Mukulu wetu, pauvua mupatule bantu bebe mu ditunga dia Ejipitu ku bukole buebe, uvua mupete lumu lunene, luutshidi nalu too ne lelu. Kadi tuetu tuvua babenge diyi diebe. Nanku tudi bena tshibawu.

Matayi 10:12

Panuabuela mu nzubu, nuambe ne: “Bupole buikale mu nzubu emu.”

Luke 22:19

Ke Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, wamba ne: — Etshi mmubidi wanyi, [undi mufile bualu buenu. Enzayi nenku bua kumvuluka.

1 Korente 11:24

Kuelaye Mvidi Mukulu tuasakidila. Pashishe kukosololaye diampa, wamba ne: “Etshi mmubidi wanyi, undi ndambula bualu buenu. Enzayi nunku bua kumyuluka.”

1 Korente 5:8

Nanku tuenzayi tshibilu tshietu. Kadi katuena mua kutshienza, kudia mampa mela buanga bukulukulu, buanga bua bubi, ne bua malu a bundu. Tudie amu mampa kaayi mela buanga, mampa a bunonoke, ne a bulelela.

Efeze 1:19

Nenumanye kabidi bukole busunguluke budiye utuambuluisha nabu, tuetu badi bamuitaba. Bobu mene ke buvuaye muleje muende muonsu,

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Dielulula 16:1

Nuenu bena Izrayele, nuvuluke mua kuenzela Maweja-Nangila Mvidi Mukulu wenu tshibilu tshia Dipita diende, mu ngondu wa Abibe wa tshidimu tshionsu. Bualu Maweja-Nangila mmunupatule mu Ejipitu anu mu ngondu awu butuku.

Dielulula 16:12

Nuvuluke ne: nuvua bapika mu ditunga dia Ejipitu. Nanku nukumbaje mikenji eyi yonsu.

Dielulula 16:3

Matuku malondangane muanda mutekete mu didia dia tshibilu, kanuena mua kudia mampa mela buanga. Panudi nudia mampa kaayi mela buanga nanku, nenuvuluke dituku dinuvua bapatuke ne lubilu mu Ejipitu.

Dielulula 24:18

Nuvuluke munu vua bapika mu Ejipitu. Maweja-Nangila Mvidi Mukulu wenu kunupatulamu. Ke pandi nnuambila ne: nukumbaje mikenji eyi.

Dielulula 24:22

Nuvuluke munuvua bapika mu Ejipitu. Ke pandi nnuambila ne: nukumbaje mikenji eyi.

Dielulula 26:8

Maweja-Nangila kuenza bishima bishilangane bivua bikuatshisha bantu bowa. Kutupatulaye mu Ejipitu ku bukole.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dielulula 5:15

Nuenu bena Izrayele mwuluke ne: nuvua ku bupika mu ditunga dia Ejipitu. Meme Maweja-Nangila Mvidi Mukulu wenu kunupatula ku bukole buanyi. Ke pandi nnukandika, bua kanuenji midimu dituku dia Dikisha.

Dielulula 5:6

“Ndi Maweja-Nangila, Mvidi Mukulu wenu, udi munupatule ku bupika mu Ejipitu.

Dielulula 6:12

Diba adi, mwuluke Maweja-Nangila, Mvidi Mukulu wenu, uvua munupatule mu Ejipitu mumwuamu bupika. Kanuena mua kumupua muoyi to.

Dielulula 6:21

Nenubandamune ne: “Tuvua ku bupika kua mukalenga wa bena Ejipitu. Maweja-Nangila kutupatula mu ditunga adi ku bukole buende.

Dielulula 7:8

Kadi Maweja-Nangila mmununange. Mmunukumbajile bionsu bivuaye mulaye bankambua benu. Ke padiye munupatule ku bupika, mununyenge ku bianza bia mukalenga wa bena Ejipitu anu ku bukole buende.

Dielulula 8:14

kanuditambishi to. Nuvuluke Maweja-Nangila Mvidi Mukulu wenu, uvua munupatule ku bupika mu Ejipitu.

Dielulula 9:12

kungambilaye ne: “Tuluka lukasa. Bantu bauvua mupatule mu Ejipitu mbenze bualu bupite bubi. Kabena bitabe ku bionsu bimvua mubambile. Mbadienzele lupingu lua tshiamu tshiengulula.”

Yoshua 24:17

Bualu Maweja-Nangila Mvidi Mukulu wetu, ke uvua mutupatule mu bupika mu Ejipitu, ne batatuetu. Kabidi tuvua bamone bishima bionsu bivuaye muenze diba adi. Amu Yeye ke uvua mutalame mu njila, munkatshi mua bisamba bionsu, miaba yonsu ituvua tupitshila.

Balombodi 2:12

Kubengabu Maweja-Nangila Mvidi Mukulu wa bankambua babu, uvua mubapatule mu Ejipitu. Kutendelelabu mvidie ya bantu ba bisamba bikuabu bavua basomba munkatshi muabu. Kudielabu panshi kumpala kua mvidie ayi. Ke muvuabu bafikishe Maweja-Nangila munda.

Balombodi 6:8

Maweja-Nangila kubatumina muambi. Awu kubambila ne: — Maweja-Nangila Mvidi Mukulu wa bena Izrayele udi wamba ne: “Mvua munupatule mu ditunga dia Ejipitu munuvua mu bupika.