Ekesode 13:12 - MUKANDA WA MYIDI MUKULU

¹² nujidile muanabute yonsu wa muntu nansha wa tshimuna, bua ashale wa Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹² nuenu nenujidile Yehowa banʼa bute bonso ba bantu ne ba nyama kabidi, bana ba balume mbana ba Yehowa.

Ekesode 13:12 ပူးပေါင်းရင်းမြစ်များ

Nehemya 10:36

Tshidimu tshionsu netufile kabidi mu nzubu wa Mvidi Mukulu bintu bia kumpala bia mu madimi, too ne bimuma bia mitshi yetu.

Nehemya 10:37

Netulambule kabidi banabute betu, ne banabute ba bimuna bietu mu nzubu wa Mvidi Mukulu. Ke mudi mukenji wamba. Banabute ba nyama ya ngombe, ya mikoku, ne bana ba mbuji yetu, netubifile mu nzubu wa Mvidi Mukulu, tubipesha batuangaji badi benza mudimu mu nzubu amu.

Ekesode 13:1

Maweja-Nangila kuambila Moshe ne:

Ekesode 13:2

— Muanabute yonsu wa balume wa bena Izrayele, udi mukaji ulela, nansha wa tshimuna, umujidile, ashale wanyi.

Ekesode 22:28

“Panudi nupola bintu bia tshianyi bia mu madimi enu, nubindambule lukasa, nansha bimuma bia maluvu. “Nundambule kabidi muanenu wa balume muanabute.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 34:19

“Bamuanabute mbanyi meme. Nanku, muanabute mulume wa ngombe, wa mukoku nansha wa mbuji, numundambule meme.

Ekesode 34:20

Nupikule muanabute mulume wa mpunde ku mukoku. Panuabenga kupikula muanabute awu, numutshibule nshingu. Kadi, nupikule bamuanabute benu balume. “Kanufiki mu nzubu wanyi bianza bitupu to.

Yezekiyele 16:20

Uvua muyilambule kabidi bana ba balume ne ba bakaji bautua mundelele. Wewe kubafila bua mvidie ibadie yukute. Kabitua bikumbane bua wewe kuenda tshiendenda tshiebe patupu anyi?

Yezekiyele 44:30

Batuangaji nebapete biakudia bia tshianyi bia mu madimi, ne bintu bionsu bidi bena Izrayele bantuadila mu nzubu wanyi. Bantu nebapeshe batuangaji bukula buimpe budibu nabu. Nanku, nembele lupemba.

Lewitiki 27:26

“Muntu nansha umue kena ne bumfumu bua kulambula mu dina diende yeye nkayende, muanabute wa ngombe, lukungulu lua mbuji, nansha muana wa mukoku to. Bualu nyama yonsu idi mikale banabute, ikadi ya Maweja-Nangila.

Dibadika 18:15

Bamuanabute bonsu badibu bandambula, ba bantu ne ba nyama mbebe wewe. Kadi nebapikule muanabute wa balume wa muntu, nebapikule kabidi muanabute wa nyama udi ne mikiya.

Dibadika 3:12

— Ndi musungule bena Levi munkatshi mua bena Izrayele bakuabu bonsu, bua bangenzele mudimu. Ndi mbangata bua bikale banyi, pa muaba wa bamuanabute bonsu ba bena Izrayele.

Dibadika 3:13

Bualu dituku di-mvua mufuishe bamuanabute ba bena Ejipitu, mvua mushiye bamuanabute bonsu ba bena Izrayele too ne ba bimuna biabu ne muoyi bua bikale bianyi. Meme ndi Maweja-Nangila.

Dibadika 8:17

Bualu, bamuanabute bonsu ba bena Izrayele too ne ku ba bimuna biabu mbanyi meme Maweja-Nangila. Bituadije dituku dimvua mubutule bamuanabute ba bena Ejipitu, ndi muangate bamuanabute ba bena Izrayele bua bikale banyi ba tshijila.

Luke 2:23

Bualu mbafunde mu mikenji ya Maweja-Nangila ne: “Muanabute yonsu wa balume nebamujidile mu dina dia Maweja-Nangila.”

Dielulula 15:19

Bamuanabute balume bonsu, ba ngombe, mikoku ne mbuji yenu, nubajidile mu dina dia Maweja-Nangila Mvidi Mukulu wenu. Muanabute mulume wa ngombe, kanuena mua kumuenzeja mudimu to. Kabidi kuena mua kukosa miosa ya muanabute wa mukoku.