Ekesode 12:3 - MUKANDA WA MYIDI MUKULU

³ Nuambile bena Izrayele bonsu ne: Dituku dia dikumi dia ngondu ewu, nusungule muana wa mukoku nansha muana wa mbuji ku diku dionsu nansha ku nzubu yonsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Nuambile bantu bonso ba mu Isalele ne, Mu dituku dia dikumi dia ngondo eu muntu ne muntu asungule muana wa mukoko ku nsubu ya batatuʼabo, muana wa mukoko ku nsubu muana wa mukoko ku nsubu.

Ekesode 12:3 ပူးပေါင်းရင်းမြစ်များ

Genese 22:8

Abrahame kuandamuna muanende ne: — Muananyi, Mvidi Mukulu nkayende neatupe muana wa mukoku. Bonsu babidi kutungunuka ne luendu.

Genese 4:4

Ebele pende kumulambula banabute ba mikoku mimpe ya mafuta. Maweja-Nangila kuanyisha milambu ya Ebele,

2 Kulondolola 35:7

Yoshiya kuangata ku bimuna biende, bana ba mikoku ne ba mbuji binunu makumi asatu, ne ngombe binunu bisatu. Kupeshabu bena Izrayele bavua muaba awu nyama ayi, bua benze tshibilu tshia Dipita dia Maweja-Nangila.

Ekesode 12:2

“Ngondu ewu ikale wenu wa ntuadijilu wa tshidimu.

Ekesode 12:21

Moshe kubikila bakulu bonsu ba bena Izrayele kubambila ne: — Muntu yonsu asungule muana wa mukoku nansha muana wa mbuji bua meku enu. Numushipe bua kuenza tshibilu tshia Dipita dia Maweja-Nangila.

Ekesode 12:4

Pikala bena mu diku bakese kabayi mua kudia munyinyi awu kujikija, badisange ne bena mutumba bilondeshile bungi bua bantu. Kadi nusungule muana wa mukoku nansha muana wa mbuji udi mukumbane bua muntu yonsu kupetaye munyinyi wonsu udiye mua kudia.

Ekesode 12:6

Nulame tshimuna atshi too ne ku dituku dia dikumi ne dinayi dia ngondu ewu. Pashishe bena Izrayele bonsu nebashipe nyama wabu awu dilolu.

Ekesode 14:15

Maweja-Nangila kuambila Moshe ne: — Lekela kungela mbila bua imuambuluishe. Ambila amu bantu ne: nutungunuke ne luendu.

Ekesode 20:19

Bavua bambila Moshe ne: — Wewe nkayebe utuambile malu onsu, netuteleje. Kadi Mvidi Mukulu kakudi netu nansha. Patupu netufue.

Ekesode 4:30

Arone kubambuluila bionsu bivua Maweja-Nangila muambile Moshe. Moshe kubaleja bishima.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Yezekiyele 40:1

Mu tshidimu tshia makumi abidi ne tshitanu, tshivuabu bamane kuya netu mu bupika bidimu dikumi ne binayi, kunyima kua dikuata dia tshimenga tshia Yerushalayime, amu dituku divuabu batshikuata, mu matuku dikumi a ngondu, bukole bua Mvidi Mukulu kuntulukila, kumfila mu Yerushalayime.

Lewitiki 1:2

amanyishe bena Izrayele ne: “Padi muena Izrayele ulambula Maweja-Nangila mulambu wa nyama, asungule ngombe, mukoku nansha mbuji.

Lewitiki 5:6

Kadi bua Mvidi Mukulu kumufuila luse ku bubi buvuaye muenze, udi ne bua kulambula Maweja-Nangila dishina dia mukoku nansha dishina dia mbuji. Bidi mulambu wa kudikobolola. Ke mudi mutuangaji mua kukobolola muena tshibawu amu mushindu ewu.

Dibadika 15:11

“Bena Izrayele balonde anu mikenji eyi, bua kundambula ngombe, mukoku wa tshimpanga, muana wa mukoku, nansha muana wa mbuji.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 1:36

Umona Yezu upita, kuambaye ne: — Tangilayi Muana wa mukoku wa Mvidi Mukulu!

Yowanane 12:1

Matuku asambombu kumpala kua tshibilu tshia Dipita dia Maweja-Nangila, Yezu kuya ku Betanya kuvua Lazare, uvuabu babishe ku lufu awu, musombe.

Yowanane 12:12

Butshia, bantu bavule bavua bavuile tshibilu tshia Dipita dia Maweja-Nangila, kumvuabu ne: Yezu mmufike ku Yerushalayime.

1 Korente 5:7

Umushayi buanga bua mampa bukulukulu bua mibi ebu, bua nuikale kanuyi ne kalema nansha kamue. Nanku nenuikale bu tshitapitapi tshipiatshipia katshiyi tshiela buanga. Ke munukadi bulelela. Bualu bakadi bamane kulambula Kristu, muana wa mukoku wetu, bua kubanga tshibilu tshietu tshia Dipita dia Maweja-Nangila.

Yoshua 7:14

Malaba dinda, nuenu bena Izrayele, ku tshisamba ku tshisamba, nufike kundi meme Maweja-Nangila. Kadi tshisamba tshingikala muleje atshi, netshidileje ku diku ku diku. Diku dingikala muleje adi nedifike ku tshiota ku tshiota. Nenku tshiota tshingikala muleje atshi, bantu balume ba mu tshiota atshi nebafike ku muntu ku muntu.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.