Ekesode 11:4 - MUKANDA WA MYIDI MUKULU

⁴ Moshe kuambila mukalenga wa bena Ejipitu ne: — Maweja-Nangila udi wamba ne: “Mundankulu, nempitshile mu ditunga dia Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mose wakamba ne, Yehowa udi wamba ne, Mundankulu meme nenye munkatshi mua Ejipitu;

Ekesode 11:4 ပူးပေါင်းရင်းမြစ်များ

2 Samuele 5:24

Kadi paumvua mikuma ku nsongu ya mitshi, ujuke lukasa, utuadije kubaluisha. Diba adi, meme Maweja-Nangila nempite kumpala kuebe bua kutshimuna bena mvita ba bena Peleshete.

Yobe 34:20

Mundankulu lufu ludi mua kubakuata mu mpukapuka, kabayi bamanye. Bantu badi batomboka, bamfumu badi bafua. Mvidi Mukulu udi ushipa mukalenga wa tshikisu, kayi nansha ukuata mudimu bikole.

Misambu 60:10

Ditunga dia Mowabe ke dilongu dindi ngowela mayi. Ndi ngelela tshisabata tshianyi pambidi pa ditunga dia Edome, bualu ndianyi. Bena Peleshete badi mua kutshimuna anyi?”

Misambu 81:5

Bualu etshi ke mudimu wa bena Izrayele, dipangadika dia Mvidi Mukulu wa Yakobe,

Ekesode 12:12

“Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

Ekesode 12:29

Mundankulu, Maweja-Nangila kushipa bamuanabute bonsu ba mu ditunga dia Ejipitu, biangatshile ku muanabute wa mukalenga wa ditunga, too ne ku muanabute wa muntu tshianana uvua mu nzubu wa lukanu. Kushipaye kabidi ne bamuanabute ba bimuna.

Yeshaya 42:13

Maweja-Nangila udi wenda usemena kumpala, bu tshilobu tshia bukitu mu mvita. Udi udilongolola bua kuluangana. Udi utua tshisamu tshia mvita, utshimuna bena lukuna bende.

Amosa 4:10

Ndi mutumine bimuna bienu masama, mumvua muenze kale mu Ejipitu. Ndi muanyishe bua baluishi benu, bashipe bansongalume benu mu mvita, banunyenge nyama ya tubalu. Mu mitanda yenu, mupuya wa bitalu mmunubuele mu mimpempe. Kadi kanuena bapingane kundi. Meme Maweja-Nangila ndi njadika nanku.

Amosa 5:17

Nansha mu madimi a mvinyo, nebadile amu kudila, pandi mpitshila munkatshi muenu bua kununyoka. Meme Maweja-Nangila ndi ngamba nanku.”

Mika 2:13

Mvidi Mukulu udi upanda njila. Neende kumpala kuenu. Mbamane kunupikula. Nudi nudipandila njila, nupatuka, nuya! Maweja-Nangila mukalenga wenu, ke udi unulombola.”

Matayi 25:6

Mundankulu, kuelabu lubila ne: “Musedianganyi ukadi ufika. Jukayi! Nuye kumuakidila.”